Nazirliyə edilən zənglərin sayı azalıb
14:58 07 Dekabr 2017
Əmək və Əhalinin Sosial Müdafiəsi Nazirliyinin (ƏƏSMN) fəaliyyət sahələri üzrə əhaliyə xidmətlərin innovativ əsaslar üzərində təkmilləşdirilməsi, bu xidmətlər sektorunda şəffaflığın təmin edilməsi vətəndaşlar tərəfindən nazirliyin “Çağrı mərkəzləri”nə daxil olan müraciətlərin də sayının getdikcə azalmasına səbəb olur.
Nazirliyin İctimaiyyətlə əlaqələr şöbəsindən Femida.az-a verilən məlumata görə, cari ilin noyabr ayında da həmin müraciətlərin sayında azalma müşahidə edilib. Belə ki, ötən ay Əmək və Əhalinin Sosial Müdafiəsi Nazirliyinin 142 və 190 - “Çağrı mərkəzləri”nə əvvəlki oktyabr ayı ilə müqayisədə 6,9 %, keçən ilin müvafiq dövrünə nisbətən 35,8% az olmaqla 13 826 müraciət daxil olub. Müraciətlərin 95,6%-ini sosial təminat növlərinə hüququn müəyyən olunması, əmək qanunvericiliyi, sosial sığorta münasibətləri, tibbi-sosial ekspertiza və reabilitasiya xidmətləri, əmək və sosial müdafiə sahələrində fəaliyyət göstərən elektron xidmətlərdən istifadə qaydaları və s. ilə bağlı sorğular təşkil edib. Sorğu xarakterli müraciətlərlə əlaqədar nazirliyin müvafiq sahələr üzrə mütəxəssisləri tərəfindən vətəndaşlara dolğun və aydın şəkildə hüquqi izahatlar verilib.
Müraciətlərin qalan 4,4%-i ilə bağlı onların məzmununa uyğun olaraq müraciət vərəqəsi tərtib olunmaqla baxılması üçün nazirliyin aidiyyəti struktur bölmələrinə göndərilib. Qısa müddət ərzində həmin müraciətlər obyektiv şəkildə araşdırılaraq nəticəsi əsasında müvafiq tədbirlər görülüb.
Ümumilikdə cari ilin yanvar-noyabr aylarında “Çağrı mərkəzləri”nə 134 533 müraciət daxil olub və hər bir müraciətin qanunvericiliyin tələblərinə uyğun cavablandırılması təmin olunub.
Femida.az
Oxunub: 646
Oxşar xəbərlər
- Nazirliyə 262 minə yaxın müraciət daxil olub
- Nazirliyə 23 mindən çox müraciət daxil olub
- Nazirliyə bir ayda 10 min müraciət edilib
- Nazirliyə yeni bina tikilir
- Nazirliyə 7 milyondan çox müraciət edilib
- Nazirliyə 18 mindən artıq müraciət olub
- Nazirliyə müraciət edənlərin sayı azalıb
- Nazirliyə 6 milyona yaxın müraciət daxil olub
- Nazirliyə 23 minə yaxın zəng gəldi
- Nazirliyə müraciət edənlərin sayı artıb