Fransa Qarabağla bağlı mövqeyini açıqlayıb
17:55 11 Dekabr 2017
"Hər bir icmanın iqtisadi, sosial və mədəni cəhətdən inkişafı üçün problemlərin davamlı və danışıqlar yolu ilə həllə nail olmaq son dərəcədə vacibdir".
Femida.az xəbər verir ki, bunu Fransanın Azərbaycandakı səfiri Orelia Buşez Qaçqınların və Məcburi Köçkünlərin İşləri üzrə Dövlət Komitəsi tərəfindən xarici ölkələrin və beynəlxalq təşkilatların Azərbaycanda akkreditə olunmuş nümayəndələrinin, eləcə də jurnalistlərin Tərtər rayonuna təşkil olunmuş səfəri zamanı deyib.
"Fransa Dağlıq Qarabağ münaqişəsinin sülh yolu ilə həllinin tərəfdarıdır. Fransa ATƏT-in Minsk qrupunun həmsədr ölkəsi kimi irəliləyişə nail olmaq üçün fəaliyyətini davam etdirəcək", - səfir vurğulayıb.
Orelia Buşezinin sözlərinə görə, ilk dəfə bu bölgəyə səfər edir: "Burada çox keyfiyyətli binalar, o cümlədən məktəb və mənzillər tikilib və mən bundan məmnun qaldım. Çünki insanların həyatına qayğı göstərmək vacibdir. Bir daha qeyd edirəm ki, bu, bir daha onu göstərir ki, Dağlıq Qarabağ münaqişəsini tez bir zamanda sülh yolu ilə həll etmək vacibdir".
Femida.az
Oxunub: 637
Oxşar xəbərlər
- Fransanın azadlığı uğrunda döyüşən azərbaycanlı - Muxtarovun həyat yolu
- Fransa XİN: `Dağlıq Qarabağ`ı tanımırıq
- Fransada polis 6 nəfəri güllələyib
- Fransa mətbuatı `Metsamor` təhlükəsindən yazdı
- Fransanın Azərbaycandakı Səfirliyində viza ilə bağlı yeni qayda
- Fransada aeroportlar iflic oldu
- Fransada daşqınlar gözlənilir
- Fransada meşə yanğınları qatarların yolunu kəsdi
- Fransada təhsil almış şəxsə 17 il HƏBS
- Fransalı jurnalistlər Mətbuat Şurasında olublar