Nəsiminin məzarı ölkəmizə gətirilə bilər
17:00 05 Mart 2019
Nəsiminin məzarı Suriyada, çox dəhşətli müharibələrin aparıldığı Hələb şəhərində yerləşir. O yer tək biz tərəfdən deyil, yerli sakinlər tərəfindən də bir müqəddəs yer kimi qəbul olunur. O məzara mütəmadi olaraq ziyarətçilər, xüsusilə sufi təriqətinin tanınmış nümayəndələri baş çəkir.
Femida.az xəbər verir ki, bu sözləri Mədəniyyət naziri Əbülfəs Qarayev bu gün M.F.Axundov adına Milli Kitabxanada mədəniyyət və incəsənət xadimlərinin dövlət başçısı ilə görüşündə müzakirə olunan məsələlərə həsr edilmiş mətbuat konfransında deyib. O bildirib ki, hətta o məzarın yenidən qurulması, orada Azərbaycanla bağlı mədəniyyət mərkəzinin yaradılması haqqında fikir mübadiləsi aparılıb:
“Bu istiqamətdə razılıq və irəliləyiş əldə etmişdik, əfsuslar olsun ki, sonrakı siyasi toqquşmalar və müharibə onun reallaşmasına imkan vermədi. Hesab edirəm ki, vaxt gələcək və biz bununla bağlı hədəflərimizi gerçəkləşdirə biləcəyik. Lakin biz Nəsiminin varisləri ilə daimi ünsiyyətdəyik, onlar Leyla Əliyevanın təşəbbüsü ilə həyata keçirilən festivallarda iştirak edirlər. Hesab edirəm ki, Nəsiminin məzarının Azərbaycana gətirilməsi məsələsi gec-tez gündəlikdə olacaq".
Femida.az
Oxunub: 565
Oxşar xəbərlər
- Nəsiminin qəzəllər toplusu Ukraynada işıq üzü görüb
- Nəsiminin yubileyi ilə əlaqədar 650 min ağac əkiləcək
- Nəsiminin 650 illik yubileyi münasibətilə ədəbi-bədii məclis keçirilib - Foto
- Nəsiminin 650 illik yubileyi ilə bağlı tədbirlər planı təsdiqlənib
- Nəsiminin şeirləri tapıldı
- Nəsiminin 650 illik yubileyi qeyd ediləcək - Sərəncam