Əlilliyin qiymətləndirilməsinin yeni meyarları müəyyənləşib
17:41 29 Mart 2019
Azərbaycanda əlilliyin qiymətləndirilməsinin yeni meyarları müəyyənləşib.
Yeni hazırlanan "Əlilliyin müəyyən olunması meyarları"nın 4-cü (Əlilliyin qiymətləndirilməsi meyarları) maddəsinə əsasən, insan orqanizmi funksiyalarının IV dərəcə itirilməsi (81-100%) ilə bağlı əlillik, xəstəliklər, çatışmazlıq və zədə fəsadlarından irəli gələn, insanın həyat fəaliyyəti kateqoriyalarının hər hansı birinin və ya bir neçəsinin III dərəcə məhdudlaşması halında təyin edilir.
İnsan orqanizmi funksiyalarının III dərəcə itirilməsi (61-80%) ilə bağlı əlillik, xəstəliklər, çatışmazlıq və zədə fəsadlarından irəli gələn, insanın həyat fəaliyyəti kateqoriyalarının hər hansı birinin və ya bir neçəsinin II dərəcə məhdudlaşması halında təyin edilir.
İnsan orqanizmi funksiyalarının II dərəcə itirilməsi (31-60%) ilə bağlı əlillik, xəstəliklər, çatışmazlıq və zədə fəsadlarından irəli gələn, insanın həyat fəaliyyəti kateqoriyalarının hər hansı birinin və ya bir neçəsinin I dərəcə məhdudlaşması halında təyin edilir. 18 yaşınadək uşaqlara sağlamlıq imkanlarının məhdudluğu insanın həyat fəaliyyətinin istənilən kateqoriyasının və istənilən məhdudlaşmasının (əmək fəaliyyəti ilə məşğul olmaq bacarığı istisna olmaqla) hər üç məhdudlaşma dərəcəsi mövcud olduğu və uşağın sosial müdafiəsi zərurətindən irəli gələn halda müəyyən edilir.
Orqanizm funksiyalarının I dərəcə itirilməsi (10-30%) hallarında əlillik və sağlamlıq imkanlarının məhdudluğu təyinatı aparılmır. Yalnız səbəb əlaqəsi peşə xəstəliyi, əmək zədəsi olduğu hallarda qiymətləndirilmə aparılır.
Xatırladaq ki, əmək və əhalinin sosial müdafiəsi naziri Sahil Babayev əlilliyin qiymətləndirilməsinə dair yeni meyarların gələn ilin əvvəlindən tətbiq ediləcəyinin gözlənildiyini deyib.
Femida.az
Oxunub: 725
Oxşar xəbərlər
- Əlilliyin qiymətləndirilməsi qaydasında hansı yeni dəyişikliklər var?
- Əlilliyin qiymətləndirilməsinin yeni meyarları məlum olub
- Əlilliyin müəyyən olunması üzrə yeni MEYARLAR
- Əlilliyin qiymətləndirilməsi qaydaları ilə bağlı yeniliklər açıqlandı
- Əlilliyin müəyyən edilməsi qaydaları açıqlanıb
- Əlilliyin qiymətləndirilməsinə üçün müayinəyə göndərişlərin verilməsinə dair yeni qayda müəyyənləşib
- Əlilliyin müəyyən olunmasının yeni meyarları qüvvəyə minib
- Əlilliyin təyin olunmasında yeni qaydalar tətbiq olunacaq