İpoteka Fondunun mənfəəti 29% artıb

09:08     30 Aprel 2019

İpoteka və Kredit Zəmanət Fondunun (İKZF) cəmi aktivləri bu il yanvarın 1-nə 1 271,749 milyon manat təşkil edib.

Bu, ötən il yanvarın 1-i ilə müqayisədə 32,7% çoxdur.

İKZF-nin aktivlərinin 886,489 milyon manatını ipoteka kreditləri təşkil edib. 2018-ci ildə Fondun kredit portfeli 29,7% böyüyüb.

Hesabat dövründə İKZF-nin cəmi öhdəlikləri 35,5% artaraq 738,65 milyon manata, o cümlədən buraxdığı qiymətli kağızların dəyəri 28,6% artaraq, 692,598 milyon manata, Fondun cəmi kapitalı isə 29% artaraq 533,099 milyon manata, o cümlədən nizamnamə kapitalı 27,3% artaraq 466 milyon manata çatıb.

Ötən il İKZF-nin faiz gəlirləri 47,989 milyon manat (əvvəlki ilə nisbətən 32,4% çox), faiz xərcləri 17,414 milyon manat (36,6% çox), dəyərsizləşmə üzrə zərəri 762 min manat (8,7% çox), haqq və komissiya gəlirləri 634 min manat (əvvəlki il olmayıb), haqq və komissiya xərcləri 804 min manat (24,1% çox), digər gəlirləri 824 min manat (5,2% çox), insan resursları üzrə xərcləri 3,566 milyon manat (56,95% çox), inzibati və digər xərcləri 2,352 milyon manat (27% çox), mənfəət vergisi ödəmələri isə 5,095 milyon manat (36,7% çox) təşkil edib. Son nəticədə Fond 2018-ci ili 19,456 milyon manat xalis mənfəətlə başa vurub. Bu, 2017-ci illə müqayisədə 29,2% çoxdur. / Report

Femida.az

Açar sözlər: #ipoteka  

Oxunub: 470