Güclü külək sabahdan mülayimləşəcək - Nazirlik
13:42 05 Avqust 2019
Azərbaycanda avqustun 6-a gözlənilən hava proqnozu açıqlanıb.
Ekologiya və Təbii Sərvətlər Nazirliyinin Milli Hidrometeorologiya Departamentindən Femida.az -a verilən məlumata görə, Bakıda və Abşeron yarımadasında sabah havanın dəyişkən buludlu olacağı, əsasən yağmursuz keçəcəyi gözlənilir. Güclü şimal-qərb küləyi gündüz tədricən mülayimləşəcək.
Havanın temperaturu Abşeron yarımadasında gecə 20-23, gündüz 25-27, Bakıda gecə 21-23, gündüz 25-27 dərəcə isti təşkil edəcək.Atmosfer təzyiqi normadan daxilində 757 mm civə sütunundan 761 mm civə sütununa yüksələcək, nisbi rütubət gecə 60-70, gündüz 40-45 faiz olacaq.
Abşeron çimərliklərində gözlənilən hava şəraitinə gəlincə, güclü şimal-qərb küləyi gündüz tədricən mülayimləşəcək. Dəniz suyunun temperaturu şimal çimərliklərində (Sumqayıt, Novxanı, Pirşağı, Nardaran, Bilgəh, Zaqulba) 23-24, cənub çimərliklərində (Türkan, Hövsan, Sahil, Şıx) 24-25 dərəcə isti təşkil edəcək.
Azərbaycanın rayonlarında avqustun 6-da havanın əsasən yağmursuz keçəcəyi gözlənilir. Lakin bəzi şimal və qərb rayonlarında şimşək çaxacağı, yağış yağacağı ehtimal olunur. Ayrı-ayrı yerlərdə leysan xarakterli olacağı, dolu düşəcəyi gözlənilir. Qərb küləyi ayrı-ayrı yerlərdə arabir güclənəcək. Havanın temperaturu gecə 20-25, gündüz 31-36, dağlarda gecə 12-17, gündüz 17-22 dərəcə isti təşkil edəcək.
Tibbi-meteoroloji proqnoza gəlincə, avqustun 6-7-də Abşeron yarımadasında arabir güclənən xəzri küləyi fonunda havanın temperaturunun iqlim normasına yaxın olacağı gözlənilir ki, bu da meteohəssas insanlar üçün əlverişlidir.
Femida.az
Oxunub: 378
Oxşar xəbərlər
- Güclü külək əsəcək, yağış yağacaq - XƏBƏRDARLIQ
- Güclü külək əsəcək - XƏBƏRDARLIQ
- Güclü geomaqnit qasırğası gözlənilir
- Güclü külək Cəlilabadda ağacların bir qismini yolun hərəkət hissəsinə aşırıb
- Güclü külək əsəcək - XƏBƏRDARLIQ
- Güclü külək əsəcək, qar yağacaq, yollar buz bağlayacaq
- Güclü külək əsəcək
- Güclü külək əsəcək, intensiv yağış və qar yağacaq - XƏBƏRDARLIQ
- Güclü küləyin Milli Məclisə vurduğu ziyanla bağlı açıqlama
- Güclü külək Bakıda 11 məktəbə ziyan vurub