Əlillik yeni modellə müəyyən edilə bilər
18:06 18 Sentyabr 2019
Səhiyyə Nazirliyi və digər müvafiq qurumlar gələn il yanvarın 1-dən ölkədə əlilliyin yeni modellə müəyyən edilməsi barədə düşünürlər.
Femida.az-ın məlumatına görə, bunu Milli Məclisin (MM) Əmək və sosial siyasət komitəsinin iclasında çıxış edən komitə sədri Hadi Rəcəbli deyib.
Komitə üzvü İlham Məmmədov təklif edib ki, MM-də əlilliyin müəyyənləşdirilməsi üçün həkim ekspertizasının necə olması barədə dinləmələr keçirilsin: ”Əlilliyin təyin olunması ilə bağlı bir sıra bürokratik əngəllər götürülüb. Amma bəzən hansısa səbəbdən, bəlkə də texniki səbəbdən əlil insanlara əlillik təyin edilmir. Bu məsələlər dinləmələrdə müzakirə edilməlidir”.
İ.Məmmədov qeyd edib ki, özünüməşğulluq strategiyasına yeni trendlər daxil edilsin. Onun sözlərinə görə, turizmdə xidmət sferasını məşğulluq strategiyasına daxil etmək lazımdır.
Komitə üzvü Musa Quliyevin sözlərinə görə, sanatoriya-kurort müalicəsinə getmək istəyən əlillərin sayı artıb: “Biz bu məsələnin həllini təmin etməliyik. Gələn ilin büdcəsində bunun üçün maliyyə vəsaiti ayırmalıyıq”.
Femida.az
Oxunub: 570
Oxşar xəbərlər
- Əlillik təyinatı ilə bağlı yenilik - Nazir açıqladı
- Əlilliklə bağlı layihə hökumətə təqdim edildi
- Əlillik necə müəyyən edilir? - HÜQUQİ MAARİFLƏNDİRMƏ
- Əlillik necə təyin olunur? - VİDEOÇARX
- Əlillik təyinatında qruplar olmayacaq
- Əlilliklə bağlı göndərişləri Dövlət Agentliyi rəsmiləşdirəcək
- Əlilliklə bağlı yeni meyarlar gələn ildən tətbiq olunacaq
- Əlilliklə bağlı yeni meyarlar hazırlanıb
- Əlillik təyinatında azalma müşahidə olunub