Aqrar Xidmətlər Agentliyi 38 nəfəri işə götürüb
15:34 15 Oktyabr 2019
Kənd Təsərrüfatı Nazirliyi yanında Aqrar Xidmətlər Agentliyində (AXA) vakant yerlər üzrə vəzifəyə uyğun sayılan 38 nəfər müvafiq işlə təmin edilib.
Nazirlikdən Femida.az-a verilən məlumata görə, AXA sədri Seymur Mövlayev bu gün Agentlikdə işə qəbulla bağlı müsabiqə və müsahibədən keçən 38 nəfərlə görülüb.
Görüşdə S. Mövlayev işə qəbul olunan mütəxəssisləri təbrik edərək, iştirakçıları təbrik edərək, Aqrar Xidmətlər Agentliyinin fəaliyyət istiqamətləri, qarşıya duran yeni hədəflər və yanaşmalar barədə ətraflı məlumat verib. Sədr AXA-nın fəaliyyətində əsas hədəflərin daim fermerlərin yanında olmaq, şəffaflığı və vətəndaş məmnunluğunun təmin etmək olduğunu deyib, bu hədəflərə nail olmaq üçün mütəxəssislərin üzərinə böyük məsuliyyət düşdüyünü vurğulayıb. Tədbir iştirakçılarına son illərdə aqrar sahədə həyata keçirilən islahatlar, dövlət tərəfindən göstərilən dəstək, innovativ texnologiyalar barədə məlumat verilib. S. Mövlayev mütəxəssislərə aqrar sahənin dinamik və dayanıqlı inkişafının təmin edilməsi işində müvəffəqiyyətlər arzulayıb.
Kənd Təsərrüfatı Nazirliyinin kadrlar şöbəsinin müdir müavini İlham Süleymanov kadrların seçilməsində tam şəffaflığın təmin olunduğunu, seçilmiş kardlarla yeni innovativ texnologiyaların tətbiqi ilə bağlı mütəmadi təlimlərin keçiriləcəyini bildirib. Dövlət qulluqçularının etik davranış qaydarlarına əməl etməsinin vacibliyini önə çəkən İlham Süleymanov AXA üzrə boş qalan vakant yerlərlə bağlı yaxın günlərdə yeni işə qəbul elanının veriləcəyini deyib.
Yeni işə qəbul olunan mütəxəssislər müsahibə və müsabiqənin tam şəffaf keçirildiyini bildirib, üzərlərinə düşən vəzifələrin uğurla yerinə yetirilməs üçün səylə çalışacaqlarını deyiblər.
Qeyd edək ki, sentyabrın 6-da Kənd Təsərrüfatı Nazirliyi yanında Aqrar Xidmətlər Agentliyinin tabeliyində olan qurumlarda 200-dən çox vakant yer müsabiqəyə çıxarılıb. Müsabiqəyə çıxarılan vakansiyalar aqronom, baytar həkimi, baytar feldşeri və aqrar sektorun digər sahələri üzrə ixtisaslı yerlərdir.
Femida.az
Oxunub: 801
Oxşar xəbərlər
- Aqrar Universitetin statusu dəyişib
- Aqrar Kredit və İnkişaf Agentliyinin hüquq və öhdəlikləri artırılıb
- Aqrar Kredit və İnkişaf Agentliyinin səlahiyyətləri artırılıb
- Aqrar Kredit və İnkişaf Agentliyinə yeni səlahiyyət verilib
- Aqrar Sığorta Fondunun Nizamnamə kapitalı və idarəetmə orqanları müəyyənləşib
- Aqrar Xidmətlər Agentliyinin mətbuat katibi işdən çıxıb
- Aqrar Xidmətlər Agentliyinin əsasnaməsi təsdiqlənib - FƏRMAN
- Aqrar xidmətlər elektronlaşdırılacaq
- Aqrar Xidmətlər Agentliyinə sədr təyin olundu
- Aqrar Xidmətlər Agentliyinin fəaliyyət sahəsi AÇIQLANDI