İraqda nümayişçilər ABŞ səfirliyini ələ keçirib
18:01 31 Dekabr 2019
İraqda nümayişçilər ABŞ səfirliyini ələ keçirib.
Aksiya iştirakçıları diplomatik korpusun binasının divarına od vurublar.
ABŞ-ın Bağdaddakı səfirinin və diplomatlarının binanı tərk etdiyi bildirilir.
Qeyd edək ki, ABŞ hərbçiləri diplomatlara hücuma qarşılıq olaraq İranın dəstəklədiyi "Haşdi Şabi" silahlı qruplaşmasına bağlı "Xətaib Hizbullah" təşkilatının İraqdakı üç mövqeyinə hava zərbəsi endirib. Nəticədə 28 nəfər ölüb, 48 nəfər yaralanıb. ABŞ-ın İraqdakı səfirliyinin qarşısında da etirazlar bu səbəbdən başlayıb.
Prezident Donald Tramp ABŞ-ın İraqdakı səfirliyinə hücum edilməsinə münasibət bildirib.
O, "Twitter" səhifəsində hadisələrin arxasında İranın olduğunu deyib.
"İraqdakı səfirliyimizə hücumun arxasında İran durur. İran ABŞ-ın muzdlu hərbçisini öldürdü və bir çoxunu da yaraladı. Bizim cavabımız da sərt oldu və hər zaman da belə olacaq. İndi də İran ABŞ-ın İraqdakı səfirliyinə hücum təşkil edir və buna görə məsuliyyət daşıyır. Bu baxımdan, İraqdan diplomatik korpusumuzun təhlükəsizliyini bütün vasitələrlə qorumağı tələb edirik", - D.Tramp yazıb.
Femida.az
Oxunub: 575
Oxşar xəbərlər
- İraqda 10 terrorçu zərərsizləşdirilib
- İraqda Türkiyə hərbçisi şəhid olub
- İraqda 6 terrorçu zərərsizləşdirilib
- İraqda həlak olan Türkiyə hərbçilərinin sayı artıb
- İraqda xüsusi əməliyyat zamanı İŞİD-in 38 terrorçusu yaxalanıb
- İraqda 6 terrorçu zərərsizləşdirilib
- İraqda terrorçular dinc sakinləri hədəfə alıb, ölən və yaralananlar var
- İraqda PKK terrorçuları ilə atışmada 1 əsgər həlak olub
- İraqda 13 terrorçu zərərsizləşdirilib
- İraqda İŞİD-in hücumu nəticəsində 10 nəfər həlak olub