Valideynlərini itirmiş şəxslərin magistratura xərclərini dövlət ödəyəcək


13:26     17 Aprel 2020 20_04_17_1587114493.jpg


Azərbaycan hökuməti valideynlərini itirmiş, yaxud valideyn himayəsindən məhrum olmuş tələbələrin magistratura xərclərini öz üzərinə götürəcək.


Femida.az xəbər verir ki, bununla bağlı “Təhsil haqqında” qanuna təklif edilən dəyişikliklər Milli Məclisin bu gün iclasında müzakirəyə çıxarılıb.

Qanunun 14-cü maddəsinə (Təhsil müəssisələri) təklif olunan dəyişikliyə əsasən, valideynlərini itirmiş və valideyn himayəsindən məhrum olmuş uşaqlar, habelə onların arasından olan şəxslər bütün tipdən olan dövlət təhsil müəssisələrində, müvafiq icra hakimiyyəti orqanının müəyyən etdiyi elmi təşkilatın magistratura səviyyəsində, habelə bələdiyyə və özəl ali, orta ixtisas və peşə təhsili müəssisələrində ödənişli əsaslarla təhsil aldıqları müddətdə təhsil haqqı dövlət büdcəsinin vəsaiti hesabına ödəniləcək.

Qeyd edək ki, indiyə qədər dövlət valideynlərini itirmiş, yaxud valideyn himayəsindən məhrum olmuş şəxslərin bakalavr səviyyəsində xərclərini öz üzərinə götürüb.

Femida.az

Açar sözlər: #magistiratura   #təhsil   #qanun  

Oxunub: 2251