Azərbaycanda Həcc ziyarətinə sənəd qəbulu ləğv edilməyib
15:22 27 Aprel 2020
Azərbaycandan Həcc ziyarətinə getmək üçün sənəd qəbulu karantin rejiminin tətbiq edilməsi səbəbindən müvəqqəti dayandırılsa da ləğv edilməyib.
Femida.az xəbər verir ki, bu barədə Trend-ə Qafqaz Müsəlmanları İdarəsindən məlumat verilib.
Qeyd olunub ki, koronavirus təhlükəsinə görə Həcc ziyarətinin dayandırılması ilə bağlı hələ ki, Səudiyyə Ərəbistanı tərəfindən hər hansı bir bildiriş gəlməyib.
Bildirilib ki, Azərbaycanda karantin rejimi tətbiq olunana qədər 250-dən çox insan Həcc ziyarətinə getmək üçün müraciət edib.
Hazırda isə karantin rejimi tətbiq olunduğuna və eyni zamanda rayonlardan Bakıya gəlişin məhdudlaşdırılmasına görə müraciət edənlər yoxdur.
Vurğulanıb ki, indidən Həcc ziyarətlərinin təxirə salınıb-salınmayacağı barədə bir söz demək çətindir. Proseslərin gedişinə uyğun qərar qəbul olunacaq.
Qeyd edək ki, ziyarətin qiyməti 4 490 dollar olacaq. Ötən il isə bu məbləğ 4 285 dollar təşkil edib. Bu, otel xidmətlərində olan qiymət artımı və viza rüsumunun tətbiq edilməsi ilə bağlıdır.
Həcc ziyarətinə sənəd qəbuluna yanvarın 27-də başlanıb.
Femida.az
Oxunub: 643
Oxşar xəbərlər
- Səudiyyə Ərəbistanında Həcc ziyarəti adı ilə dələduzluğa görə 15 nəfər həbs edilib
- Azərbaycanda Həcc ziyarətinin təşkili qaydalarına dəyişiklik edilib
- Həcc ziyarətinə icazə verildi - BU ŞƏRTLƏ
- QMİ-dən Həcc ziyarəti açıqlaması
- COVID-19 peyvəndi olunmayanlar Həcc ziyarətinə gedə bilməyəcək
- Bu il üçün Həcc ziyarəti ləğv edildi
- Azərbaycandan bu il Həcc ziyarəti olmaya bilər
- Mübariz Qurbanlı Həccə getmək istəyənlərə çağırış etd
- Azərbaycandan Həcc ziyarətinə təkrar gedənlərə güzəşt edildi
- Həcc ziyarətinə getmək üçün 150 nəfər müraciət edib