Badamdar yamacında sürüşmənin qarşısını almaq üçün tədbirlərə başlanıb
12:12 19 İyun 2020
Fövqəladə Hallar Nazirliyi Badamdar yamacında sürüşmənin qarşısını almaq üçün tədbirlərə başlayıb.
Bu barədə Femida.az-a Tikintidə Təhlükəsizliyə Nəzarət Dövlət Xidmətinin rəis müavini Təyyar Hüseynli deyib.
Onun sözlərinə görə, tədbirlər çərçivəsində ərazidə olan qurunt sularının çəkilməsi üçün drenaj quyularının qazılmasına başlanıb: "Quyular 30 metr dərinlikdə, 3,5 metr diametrində qazılacaq. Quyular hazır olandan sonra yeraltl sular həmin quyularda birləşdirilərək xüsusi borular vasitəsilə ərazidən kənarlaşdırılacaq. Ərazidə qurunt suları 26 metr dərinliklə axır. Ona görə də drenaj quyuları 30 metr dərinlikdə qazılır ki, qurunt sularının yamac istiqamətində axınının qarşısı alınsın. Yeraltı sular yamaca çatmamış qazılan quyulara axdığı üçün aşağı istiqamətə getməsinin qarşısı alınacaq".
T.Hüseynli bildirib ki, drenaj quyularının qazılması və qurunt sularının yamaca axınının qarşısının alınması prosesi 4 aya tekunlaşacaq: "Bu proses başa çatandan sonra yamacın düzəlməsinə və yolun bərpasına başlanacaq. Yamacda yaşıllıq zolağı salınacaq, ərazi abadlaşdırılacaq və yol bərpa olunacaq".
Femida.az
Oxunub: 677
Oxşar xəbərlər
- Badamdar dağında yanğın olub
- Badamdarda sürüşmə davam edir
- Badamdarda sürüşmənin qarşısını almaq üçün layihənin icrasına başlanılıb
- Badamdarda yenidən sürüşmə olub
- Badamdarda yenidən torpaq sürüşməsi baş verib
- Badamdarda maşınla vurulan piyada ölüb
- Badamdarda silah-sursat tapılıb
- Badamdarda 5 drenaj quyusu qazılır
- Badamdarda yeni uçqunlar
- Badamdarda xırda uçqunlar olub - Son vəziyyət