Operativ Qərargah sərtləşdirilmiş karantin tətbiq edilməyən bölgələrdəki vəziyyəti müzakirə edib
21:12 01 İyul 2020
Bu gün Azərbaycan Respublikasının Prezidenti İlham Əliyevin tapşırığına əsasən Baş Nazir Əli Əsədovun sədrliyi ilə Operativ Qərargahın geniş tərkibli Respublika videomüşavirəsi keçirilib.
Nazirlər kabinetinin mətbuat xidmətindən Femida.az-a verilən məlumata görə, müşavirədə Azərbaycan Respublikası Prezidentinin köməkçisi Zeynal Nağdəliyev, Daxili İşlər naziri Vilayət Eyvazov, Dövlət Təhlükəsizliyi Xidmətinin rəisi Əli Nağıyev, Baş Prokuror Kamran Əliyev və 77 şəhər və rayonların İcra hakimiyyəti başçıları, prokurorları, daxili işlər və dövlət təhlükəsizliyi şöbələrinin rəisləri iştirak ediblər.
Müşavirə zamanı sərtləşdirilmiş xüsusi karantin rejimi tətbiq edilməyən bölgələrdəki epidemioloji vəziyyət müzakirə olunub, karantin qaydalarının icra vəziyyəti qiymətləndirilib. Əhali tərəfindən sanitariya-epidemioloji qaydalara riayət edilməsi üçün nəzarətin gücləndirilməsinə ehtiyac olduğu bildirilib.
Baş Nazir karantin rejiminin yumşaldılması nəticəsində bir sıra şəhər və rayonlarda pozuntuların artmasının müşahidə olunduğunu qeyd edib.
Baş Nazir rayonlardakı vəziyyətlə bağlı dəqiq statistikanın aparılmasının, yoluxmanın daha çox qeydə alındığı yerlərə nəzarətin, dezinfeksiya və koronavirus xəstələri üçün ayrılmış xəstəxanalarda utilizasiya işlərinin gücləndirilməsinin vacibliyini vurğulayıb.
Baş Nazir rayon və şəhər rəhbərləri qarşısında tapşırıqların vaxtında və qüsursuz icra olunması tələbini qoyub.
Oxunub: 782
Oxşar xəbərlər
- Operativ Qərargah: “Ukrayna Silahlı Qüvvələri əks-hücuma keçib”
- Operativ Qərargah "Omikron" ştamı ilə bağlı tapşırıqlar verib
- Operativ Qərargah rəsmisindən sərt qapanma ehtimalı ilə bağlı AÇIQLAMA - VİDEO
- Operativ Qərargah brifinq keçirir - CANLI YAYIM
- Operativ Qərargahın bu qadağası ləğv olundu - RƏSMİ
- Operativ Qərargah brifinq keçirir - CANLI YAYIM
- Operativ Qərərgah açıqlama yaydı
- Operativ Qərargah yoluxmanın dinamikasını və peyvəndləmə prosesini müzakirə edib
- Operativ Qərargahdan səhiyyə müəssisələrinə vaksinləmə proseduru ilə bağlı tapşırıq
- Operativ Qərargahda pandemiya ilə bağlı respublika müşavirəsi keçirilib