Bolqarıstan Prezidentinin katibi və müşaviri həbs olunublar
17:20 09 İyul 2020
Bolqarıstan Prezidentinin Antikorrupsiya və hüquq məsələləri üzrə katibi Plamen Uzunov həbs olunub.
Femida.az-ın xəbərinə görə, bu barədə “Канал 3” məlumat yayıb.
Bildirilib ki, məzuniyyətdə olan P. Uzunov yaxın vaxtlarda paytaxt Sofiya şəhərinə gətiriləcək.
Bu gün Bolqarıstan Prezident Administrasiyasının otaqlarında, o cümlədən də P. Uzunovun otağında axtarış aparılması barədə məlumat yayılıb.
Bolqarıstan Milli Təhlükəsizlik Dövlət Agentliyinin yaydığı məlumatda isə bildirilib ki, Prezidentin katibi məxfi informasiyaya girişdən məhrum edilib.
Ölkənin Baş prokuroru İvan Qeşev bildirib ki, P. Uzunov vəzifədən sui-istifadə etməkdə təqsirli bilinir.
Ölkənin Hərbi prokurorluğu Prezidentin Müdafiə və təhlükəsizlik məsələləri üzrə müşaviri, Dövlət Kəşfiyyat İdarəsinin sabiq əməkdaşı İlya Miluşevin həbs olunması barədə məlumat yayıb. İ. Miluşev əvvəlcə şahid qismində dindirilib. Ondan götürülən telefonun kompüter-texniki ekspertizası keçirildikdən sonra aparatda dövlət agentliyinə aid məlumatların olması təyin edilib. O, icazə olmadan Dövlət Kəşfiyyat İdarəsindən çıxarılmış və dövlət sirri daşıyan dörd sənədi könüllü olaraq təhvil verib.
Femida.az
Femida.az
Oxunub: 798
Oxşar xəbərlər
- Bolqarıstan yığmasının üzvləri Tbilisidə qəzaya düşüb
- Bolqarıstan lideri Prezident İlham Əliyevi ölkəsinə səfərə dəvət edib
- Bolqarıstan Ukraynaya silah göndərməyəcək
- Bolqarıstan azərbaycanlıların Ukraynanı tərk etməsini nəzərə alaraq viza tələbini ləğv edib
- Bolqarıstanda prezident və parlament seçkiləri keçirilir
- Bolqarıstanda parlament seçkiləri keçirilir
- Bolqarıstanın Baş naziri Azərbaycan Prezidentini ölkəsinə dəvət edib
- Bolqarıstan yanvarın 1-dən Azərbaycandan qaz almağa başlayır
- Bolqarıstanın yəhudi icması Ermənistanın son təxribatı ilə bağlı bəyanat verib
- Bolqarıstandan heyvan gətirilməsinə qadağa qoyuldu