Eldar Həsənovun şikayəti ilə bağlı məhkəmə qərarı elan edildi
21:25 20 Avqust 2020
Bakı Apelyasiya Məhkəməsində Azərbaycanın keçmiş baş prokuroru, sabiq səfir Eldar Həsənovun apelyasiya şikayətinə baxılıb.
Femida.az-ın xəbərinə görə, bu barədə onun vəkili Adil İsmayılov məlumat yayıb.
Onun sözlərinə görə, E.Həsənov Səbail rayon Məhkəməsinin həbs qətimkan tədbiri ilə bağlı qərarından şikayət verib.
Bakı Apelyasiya Məhkəməsi şikayəti təmin etməyib.
Xatırladaq ki, Azərbaycan Respublikası Xarici İşlər Nazirliyinin bəzi vəzifəli şəxslərinin öz səlahiyyətlərindən sui-istifadə edib dövlətin qanunla qorunan mənafelərinə mühüm zərər vuran əməllərə yol vermələri ilə bağlı Dövlət Təhlükəsizliyi Xidmətində (DTX) başlanılmış cinayət işi üzrə Xarici İşlər Nazirliyinin İşlər idarəsinin müdiri, Nazirliyin Tender Komissiyasının sədri Fərhad Molla-zadə, Konsulluq idarəsinin rəisi Faiq Bağırov və digərləri vəzifə səlahiyyətlərindən sui-istifadə etmə, mənimsəmə, rüşvət alma faktlarına görə cinayət məsuliyyətinə cəlb edilərək barələrində məhkəmənin qərarları əsasında həbs qətimkan tədbiri seçilib.
Davam edən cinayət işi üzrə həyata keçirilən istintaq-əməliyyat tədbirləri zamanı Xarici İşlər Nazirliyinin fəaliyyət istiqamətləri üzrə ayrılan dövlət büdcə vəsaitlərinin mənimsənilməsi ilə bağlı yeni məlumatlar əldə edilib, toplanılmış materiallar əsasında müvafiq qərarla kompleks maliyyə-təsərrüfat fəaliyyəti üzrə yoxlama təyin edilib.
Maliyyə yoxlamaları zamanı Azərbaycan Respublikasının Serbiya Respublikasında, Monteneqroda, Bosniya və Hersoqovinadakı səfiri Həsənov Eldar Hümbət oğlu tərəfindən xeyli miqdarda büdcə vəsaitinin təyinatı üzrə istifadə edilməməsi və digər qanun pozuntularının törədilməsinə dair əsaslı şübhələr müəyyən edilib. Aparılan istintaq çərçivəsində Eldar Həsənov şübhəli şəxs qismində tutulub.
Eldar Həsənova qarşı Cinayət Məcəlləsinin 308.2-ci (vəzifə səlahiyyətlərindən sui istifadə) 308-1.1-ci (büdcə vəsaitlərinin təyinatı üzrə xərclənməməsi) maddələrilə ittiham irəli sürülüb. Səbail rayon Məhkəməsinin qərarı ilə onun barəsində noyabrın 3-dək həbs-qətimkan tədbiri seçilib.
Femida.az
Oxunub: 1727
Oxşar xəbərlər
- Eldar Həsənov kassasiya şikayəti verib
- Eldar Həsənovun apellyasiya şikayəti üzrə məhkəməsi başlayıb
- Eldar Həsənovun apellyasiya şikayəti üzrə məhkəmənin vaxtı məlum olub
- Eldar Həsənov 10 il müddətinə azadlıqdan məhrum edilib
- Eldar Həsənovun məhkəməsində şahidin istintaqa verdiyi ifadə elan edilib
- Eldar Həsənovun məhkəməsində əcnəbilərin göndərdiyi məktublar elan olunub
- Eldar Həsənov yenidən DTX-nin təcridxanasına qaytarılıb
- Eldar Həsənovun növbəti məhkəmə prosesi keçirilib
- Eldar Həsənovun məhkəməsində səfirliyin sabiq əməkdaşı və FHN-in baş inspektoru dindirilib
- Eldar Məmmədəliyev təltif edilib