Özbəkistanın birinci xanımı Mehriban Əliyevanı təbrik edib
18:07 26 Avqust 2020
Özbəkistan Respublikasının birinci xanımı Ziroat Mirziyoyeva Azərbaycanın Birinci Vitse-prezidenti, birinci xanım Mehriban Əliyevanı ad günü münasibəti ilə təbrik edib.
Femida.az xəbər verir ki, təbrikdə deyilir:
Zati-aliləri, hörmətli birinci xanım,
Doğum gününüz münasibətilə Sizə səmimi təbriklərimi və ən xoş arzularımı çatdırmaqdan böyük məmnunluq duyuram.
Azərbaycan Respublikasının Birinci vitse-prezidenti vəzifəsində fəaliyyətiniz Sizə əhali arasında böyük hörmət, beynəlxalq arenada layiqli imic və ehtiram qazandırıb.
Sizin rəhbərlik etdiyiniz Heydər Əliyev Fondu uzun illər ərzində elm, səhiyyə, mədəniyyət və incəsənət, idman və ekologiya sahələrində həyata keçirilən bir sıra mühüm layihələr sayəsində böyük nüfuz qazanıb.
Mən Sizin şəxsinizdə Şərqin gözəl və müdrik, sosial baxımdan fəal və çox yüksək intellektə malik Azərbaycan qadınının parlaq rəmzini görürəm. Xüsusi qeyd etmək istəyirəm ki, Siz təkcə təcrübəli siyasətçi və dövlət xadimi deyil, həm də ölkənin beynəlxalq imicinin möhkəmlənməsi üçün fəal səy göstərən sədaqətli və fədakar şəxsiyyətsiniz.
Həyatınızın bu əlamətdar hadisəsi münasibətilə Zati-alinizə və ailənizin bütün üzvlərinə möhkəm cansağlığı, xoşbəxtlik, sülh və firavanlıq, məsul və nəcib fəaliyyətinizdə böyük uğurlar arzu edirəm".
Femida.az
Oxunub: 1238
Oxşar xəbərlər
- Özbəkistanın Azərbaycandakı səfiri Diasporla İş üzrə Dövlət Komitəsində olub
- Özbəkistanın dövlət başçısı Azərbaycan Prezidentini təbrik edib
- Özbəkistanın XİN başçısı Azərbaycana səfərə hazırlaşır
- Özbəkistanın dövlət başçısı Azərbaycan Prezidentini təbrik edib
- Özbəkistanın sabiq prezidentinin qızı Gülnarə Kərimova saxlanılıb