Makron Prezident İlham Əliyevə zəng etdi
09:53 03 Oktyabr 2020
Oktyabrın 2-də Fransa Prezidenti Emmanuel Makron Azərbaycan Respublikasının Prezidenti İlham Əliyevə telefonla zəng edib.
Prezidentin mətbuat xidmətindən Femida.az-a verilən məlumata görə, Fransa Prezidenti Ermənistan-Azərbaycan təmas xəttində döyüşlərin davam etməsindən narahatlıq hissi ifadə edərək atəşkəsin bərpa edilməsi və tezliklə danışıqların aparılmasına çağırıb.
Prezident İlham Əliyev bildirib ki, Ermənistan silahlı qüvvələri tərəfindən Azərbaycanın yaşayış məntəqələrinin ağır artilleriya atəşinə tutulması nəticəsində 19 mülki şəxsimiz həlak olub, 60-dan çox adam yaralanıb, yüzlərlə ev dağıdılıb. Azərbaycan Ordusu uğurlu əks-hücum əməliyyatları həyata keçirərək işğal olunmuş ərazilərimizin bir hissəsini işğaldan azad edib.
Dövlətimizin başçısı onu da qeyd edib ki, Ermənistan danışıqlar prosesinin pozulması istiqamətində addımlar ataraq bu prosesə böyük zərbə vurub. Prezident İlham Əliyev vurğulayıb ki, danışıqların pozulması, eləcə də silahlı qarşıdurmanın yaranmasına görə məsuliyyət tam şəkildə Ermənistan rəhbərliyinin üzərinə düşür.
Oxunub: 504
Oxşar xəbərlər
- Makron yenidən seçildikdən sonra ilk telefon danışığını Şoltsla edib
- Makron Putin və Zelenski ilə Ukraynadakı vəziyyəti müzakirə edib
- Makron Putin və Zelenski ilə telefonla danışıb
- Makron Baydenlə gəmi qalmaqalını müzakirə edəcək
- Makronu şillələyən fransız: "Peşman deyiləm!"
- Makron koronavirusa yoluxub
- Makron Dağlıq Qarabağın Azərbaycan ərazisi olduğunu etiraf etdi
- Makron Kanadanın baş naziri ilə Qarabağı müzakirə ediblər
- Makron yenidən İlham Əliyevə zəng etdi
- Makronun zəngi, Prezident Əliyevin qətiyyəti - TƏHLİL