Birinci Vitse-prezidentin köməkçisi İsveçrə qəzetinə müsahibə verib


20:11     08 Oktyabr 2020 20_10_08_1602169146.jpg

Azərbaycan Respublikasının Birinci Vitse-Prezidentinin köməkçisi Elçin Əmirbəyov İsveçrənin “La Liberte” qəzetinə müsahibə verib.

Femida.az -ın məlumatına görə, “La Liberte” qəzetinin 8 oktyabr buraxılışında nəşr edilmiş bu məqalədə Elçin Əmirbəyov Ermənistanın baş naziri Nikol Paşinyanı təxribatlarda günahlandıraraq vurğulayır ki, Azərbaycan ərazisində yerləşən mülki əhali və infrastruktur Ermənistan ərazisindən hər gün hədəfə alınır, bununla da Ermənistan beynəlxalq humanitar hüququ kobud şəklində pozur və müharibə cinayətləri törədir. N.Paşinyanın bu təxribatlarının məqsədi isə Rusiyanı bu münaqişəyə cəlb etməkdir.

Daha sonra qəzetdə E.Əmirbəyova istinadən bildirilir ki, Azərbaycan Türkiyənin hərbi yardımını almır və ona buna ehtiyacı yoxdur. Təxminən son 30 il ərzində ATƏT-in Minsk Qrupunun həmsədrləri olan Rusiya, Fransa və ABŞ-a münaqişənin sülh yolu ilə həll edilməsi üçün vasitəçilik fəaliyyətini həyata keçiriblər, lakin əfsuslar olsun ki, bu günədək bu münaqişə həll edilməmiş və buna görə də vasitəçi olan həmsədr ölkələr də məsuliyyət daşıyır. Belə ki, 1990-cı illərin əvvəllərindən başlayaraq vasitəçi olan həmsədr ölkələrin Ermənistana təzyiq göstərməməsi Ermənistanda cəzasızlıq hissi yaratmışdır.

Birinci vitse-prezidentinin köməkçisinin fikrincə atəşkəs özü özlüyündə münaqişənin həlli demək deyil, münaqişə kğklü şəkildə həll edilmədən atəşkəs çox davam edə bilməz. Azərbaycan israr edir ki, Ermənistan-Azərbaycan Dağlıq Qarabağ münaqişəsi ilə əlaqədar BMT-nin Təhlükəsizlik Şurasının qəbul etdiyi müvafiq qətnamələrə əsasən erməni hərbi qüvvələri ölkəmizin bütün işğal olunmuş ərazilərdən çıxarılmalıdır. Azərbaycan oradakı yerli erməni mülki əhalini öz vətəndaşları hesab edir və onların təhlükəsizliyini təmin etməyə hazırdır.

Daha sonra E. Əmirbəyov bildirir ki, münaqişənin mürəkkəbliyini nəzərə alaraq deyilən məsələlər iki gün ərzində həll edilə bilməz, bunlar üçün müəyyən vaxt və mərhələli yanaşma tələb edilir və bununla əlaqədar ATƏT-in Minsk Qrupunun bir neçə təkliflərini Yerevan rədd etmişdir, hər səfər danışıqlarda müəyyən irəliləyiş hiss ediləndə, Ermənistan yeni bir bəhanə ilə substantiv danışıqlardan boyun qaçırır.

E. Əmirbəyovun fikrincə, N.Paşinyanın danışıqları pozmasından sonra onun məsuliyyətli danışıqlar tərəfdaşı olması suallar doğurur və bu amil ciddi maneədir. Bakı danışıqlara qayıda bilər, lakin biz əmin olmalıyıq ki, Ermənistan işğaldan əl çəkib öz qoşunlarını ərazilərimizdən qeyd-şərtsiz qaydada çıxarmalıdır.

Açar sözlər:

Oxunub: 580