Maska taxmamağa görə cərimələr artırılır


13:11     16 Dekabr 2020 2020/12/fb6d6fb4-71cc-4184-b4ca-f30c2f2c8172_850_1608110019.jpg

Azərbaycanda maska taxmamağa görə cərimələr artırılır.

Femida.az xəbər verir ki, bununla bağlı parlamentin dekabrın 18-də keçiriləcək iclasında İnzibati Xətalar Məcəlləsinə dəyişiklik ediləcək.

Dəyişikliyə əsasən, epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə fiziki şəxslər 100 manat məbləğində, vəzifəli şəxslər 300 manat məbləğində, hüquqi şəxslər 600 manat məbləğində cərimə ediləcək.

Qeyd edək ki, hazırda fiziki şəxslər 100 manat, vəzifəli şəxslər 200 manat, hüquqi şəxslər 400 manat məbləğində cərimə edilir.

Femida.az

Açar sözlər: Maska   Cərimə    

Oxunub: 669