İsrailin sabiq Prezidenti Prezident İlham Əliyevi təbrik edib
19:54 30 Dekabr 2020
Nizami Gəncəvi Beynəlxalq Mərkəzinin üzvü, İsrailin sabiq Prezidenti Dalia İtzik Azərbaycan Respublikasının Prezidenti İlham Əliyevə təbrik məktubu göndərib.
Femida.az -ın məlumatına görə, məktubda deyilir:
"Hörmətli cənab Prezident.
İlin son həftəsinə təsadüf edən doğum gününüz münasibətilə Sizi təbrik etməkdən məmnunluq və şərəf hissi duyuram.
Yola saldığımız ildə və Prezident olduğunuz əvvəlki illərdə Siz milli və qlobal səviyyələrdə misli görünməmiş təhdidlərə qarşı mübarizə aparmısınız və həmişə olduğu kimi, ölkənizin, vətəndaşlarınızın və dostlarınızın rifahı naminə yüksək mənəvi-əxlaqi dəyərlərlə yanaşı, həmçinin müdrik və uzaqgörən liderlik nümayiş etdirmisiniz. Sizin bu fəaliyyətiniz ən yüksək qiymətə layiqdir.
Siz təxminən iki ay bundan əvvəl prezidentliyinizin 18-ci ilinə başlamısınız. Yəhudi ənənəsinə görə, 18 rəqəminin xüsusi numeroloji mənası vardır və “həyat yolu”nu təcəssüm etdirir.
Bununla əlaqədar, beynəlxalq səviyyədə təqdirəlayiq fəaliyyəti ilə seçilən Nizami Gəncəvi Beynəlxalq Mərkəzinin fəxri üzvü kimi Sizə cansağlığı, xoşbəxtlik və firavanlıq arzulayır, uzaqgörən, müdrik və nümunəvi liderlik fəaliyyətinizin davamlı olmasını diləyirəm.
Birinci xanım, Zati-aliləri Mehriban Əliyevaya və gözəl qızınız Leylaya ən xoş arzularımı və ehtiramımı çatdırmağınızı xahiş edirəm".
Oxunub: 442
Oxşar xəbərlər
- İsrailin Baş naziri öz vətəndaşlarını Ukraynadan qayıtmağa çağırıb
- İsrailin Baş naziri ŞABAK-a yeni səlahiyyətlər verib
- İsrailin Azərbaycandakı səfiri Ağdama səfər edib
- İsrailin iki aviaşirkəti Bakıya uçuşlar həyata keçirəcək
- İsrailin biznes dairələri Azərbaycanla əməkdaşlıqda maraqlıdır
- İsrailin yeni prezidenti bu şəxs oldu
- İsrailin keçmiş XİN başçısı İlham Əliyevi təbrik edib
- İsrailin Baş Nazirindən Azərbaycana dəstək məktubu
- İsrailin yeni səfirinin Azərbaycana gələcək - Tarix məlum oldu
- İsrailin Azərbaycandakı səfirliyi fəaliyyətini dayandırdı – SƏBƏB