Ağdamda bərpa edilən Şəmsi kəhrizi istifadəyə verildi


12:18     06 Yanvar 2021 2021/01/F15153A2-E761-4716-92D4-E62FBCB91BCE_1609921251.jpeg

Beynəlxalq Miqrasiya Təşkilatının (BMqT) Azərbaycan nümayəndəliyi bərpa olunmuş Şəmsi kəhrizini Ağdam rayonunda yerləşən Mirəşelli kəndinin icmasının istifadəsinə təhvil verib.

BMqT-dən Femida.az-a bildirilib ki, bu, Koreya Beynəlxalq Əməkdaşlıq Agentliyinin (KOICA) maliyyə dəstəyi ilə təşkilatın həyata keçirdiyi “Azərbaycanda kəhriz su sistemlərinin bərpası vasitəsilə məcburi köçkünlərin məskunlaşdığı ərazilərdə kənd yerlərinin kompleks inkişafı” layihəsi çərçivəsində təhvil verilmiş ilk kəhrizdir.

Su sərfi 27 litr-saniyəyə bərabər olan kəhriz 214 ailəni içməli su, 75 ailəni və 90 hektar əkin sahəsini suvarma suyu ilə təmin edəcəkdir.

Qeyd edək ki, dörd illik layihə ənənəvi və dayanıqlı su təchizatı sistemi olan 40 kəhrizin bərpası vasitəsilə təxminən 8 mindən çox ailəyə təhlükəsiz və davamlı su təminatı məqsədini daşıyır.

Layihənin ümumi məqsədi Azərbaycanda kənd təsərrüfatı icmalarının enerjisiz su təchizatını təmin etməklə kənd təsərrüfatı məhsuldarlığını və yaşayış imkanlarını artırmaqla məcburi iqtisadi miqrasiyanın qarşısının alınmasına töhfə verməkdir. Kəhrizlərin bərpası ilə yanaşı, layihə gender, idarəetmə və ətraf mühitin davamlılığı kimi məsələlərə xüsusi diqqət yetirərək, icma tərəfindən idarə olunan bir yanaşmanı tətbiq etməyə davam edir.

Bu layihə 3 fərqli, lakin sıx əlaqəli yanaşma çərçivəsində həyata keçirilir. Bunlar kəhrizlərin bərpası, icmaların və Kankanların bacarıqlarının artırılmasıdır.


Femida.az

Açar sözlər:

Oxunub: 499