FHN-in bir qrup əməkdaşı minatəmizləmə üzrə kursu uğurla başa vurub
13:34 06 Fevral 2021
Fövqəladə Hallar Nazirliyi ilə Rusiya Federasiyası Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması üzrə Nazirliyi arasında mövcud sıx ikitərəfli münasibətlər, o cümlədən həyata keçirilən aidiyyəti humanitar tədbirlər çərçivəsində Azərbaycan FHN-in Mülki müdafiə qoşunları və Xüsusi Riskli Xilasetmə Xidmətinin 35 nəfər əməkdaşı ərazilərin minalardan təmizlənməsi və zərərsizləşdirilməsi üzrə kursu müvəffəqiyyətlə başa vurublar.
Nazirlikdən Femida.az-a verilən xəbərə görə, kursda Rusiya Fövqəladə Hallar Nazirliyinin minatəmizləmə üzrə peşəkar mütəxəssisləri xüsusi təlim keçiblər. Kursun təşkilində məqsəd işğaldan azad olunmuş ərazilərimizin minalardan təmizlənməsidir.
Kursu müvəffəqiyyətlə başa vurmuş FHN əməkdaşlarına müvafiq sertifikatlar təqdim edilib. FHN-in Qarabağ Regional Mərkəzinin inzibati binasında keçirilmiş təqdimetmə mərasimində iştirak edən Azərbaycan Respublikası Fövqəladə Hallar nazirinin müavini general-leytenant Etibar Mirzəyev, Rusiya Federasiyası Fövqəladə Hallar Nazirliyinin minaaxtaranlardan ibarət qrupunun rəhbəri polkovnik Aleksey Zavitskiy və digər məsul şəxslər sertifikatları istehkamçı-mütəxəssislərə təqdim ediblər.
Qeyd edək ki, növbəti belə bir kursun yaxın vaxtlarda təşkil olunması nəzərdə tutulur.
Oxunub: 591
Oxşar xəbərlər
- FHN-in səlahiyyətlərinə dəyişikliklə bağlı qanun layihəsi hazırlanır
- FHN-in sabiq şöbə müdiri məhkəmə zalında həbs edilib
- FHN-in qüvvələri Türkiyədə yanğınlarla uğurlu mübarizəni davam etdirirlər
- FHN-in Modul Tipli Hospitalının baş həkimi həbs edildi
- FHN-in yanğınsğndürmə və qəza-xilasetmə əməliyyatlarının VİDEOSU
- FHN-in əməkdaşı Mingəçevirdə özünü çaya atan şəxsi xilas edib
- FHN-in yubiley medalı təsis edilib
- FHN-in sabiq şöbə rəisinin həbs müddəti artırıldı
- FHN-in yerli strukturları azad olunmuş ərazilərdə fəaliyyətə başladı
- FHN-in yanğınsöndürən maşını qəzaya uğrayıb, yaralananlar var