Ermənilərin tövləyə çevirdiyi 4 əsrlik məscid - FOTOREPORTAJ

12:55     18 Fevral 2021

İşğaldan azad olunan Füzuliyə səfərimiz zamanı Qarğabazar kəndindəki məscidə də baş çəkdik. Məscid Şah Abbas karvansarasından yuxarıda, qayanın üstündə yerləşir.

El arasında Şah Abbas məscidi kimi tanınan ibadət ocağı elmi ədəbiyyatlarda Hacı Qiyasəddin (Qiyas əd-Din məscidi) məscidi kimi öz əksini tapıb. Çünki məscidin qapı çatı üzərindəki kitabədə aydınca yazılıb: "Bu məscidi Böyük Allahın mərhəmətli bəndəsi Hacı Qiyasəddin tikdiririb, hicri təqvimi ilə 1095". Bu da miladi tarixi ilə təxminən 1683-84-cü ilə təsadüf edir.

Hacı Qiyasəddin məscidi eyvansızdır. Tamamilə yerli daş materialları ilə bir zaldan ibarət tikilib. Dam örtüyü tağtavan şəkilindədir. Giriş qapısı nəzərə alınmasa, burada ağac materialından istifadə olunmayıb. Onunla eyni dövrdə (XVII əsrdə) tikilmiş karvansara isə həmin təpənin cənubunda yerləşir. Karvansara və məscid konstruksiyasının memarlıq təhlili hər iki abidənin eyni memar tərəfindən tikildiyini söyləməyə imkan verir.

İşğal dövründə ermənilər digər məscidlərimiz kimi Hacı Qiyasəddin məscidini də tövlə kimi istifadə edib, burada mal-qara, donuz saxlayıblar. Məscidin ətrafına, daxilinə yığılan ot bağlamaları və kəskin peyin qoxusu bunu bir daha təsdiqləyir.













Femida.az

Açar sözlər: #erməni   #cinayət   #məscid   #Füzuli  

Oxunub: 649