Axtarışda olan şəxs Rusiyadan Azərbaycana ekstradisiya edildi
10:48 18 Mart 2021
Azərbaycan Respublikası Baş Prokurorluğu tərəfindən milli qanunvericiliyin və tərəfdar çıxdığımız beynəlxalq müqavilələrin, o cümlədən “Mülki, ailə və cinayət işləri üzrə hüquqi yardım və hüquqi münasibətlər haqqında” Minsk Konvensiyasının tələblərinə əsasən Rusiya Federasiyasının Baş Prokurorluğu ilə ikitərəfli münasibətlər çərçivəsində Azərbaycan Respublikasının ərazisində cinayət törətmiş şəxsin cinayət məsuliyyətinə cəlb edilməsindən ötrü ekstradisiya edilməsi barədə sorğu edilib.
Baş Prokurorluğun Mətbuat xidmətindən Femida.az-a verilən məlumata görə, Binəqədi rayon məhkəməsinin icraatında olan cinayət işi üzrə təqsirləndirilən şəxs qismində cəlb edilmiş Fətəliyev İlqar Qərib oğlunun – qabaqcadan əlbir olan bir qrup şəxs halında, etibardan sui-istifadə etmə və ya aldatma yolu ilə təkrar olaraq xeyli miqdarda özgə əmlakını ələ keçirməsinə əsaslı şübhələr müəyyən edilib. Fətəliyev İlqar Qərib oğlu barəsində beynəlxalq axtarış elan olunub.
Axtarışda olan şəxsin yerinin müəyyən edilməsi əsası ilə Azərbaycan Respublikasının Baş Prokurorluğunun Rusiya Federasiyasının Baş Prokurorluğuna etdiyi sorğular təmin edilməklə İlqar Fətəliyev Ədliyyə Nazirliyinin Penitensiar Xidmətinin xüsusi konvoyunun müşayiəti ilə ölkəmizə ekstradisiya edilib.
Femida.az
Oxunub: 486
Oxşar xəbərlər
- Cinayət törədərək gizlənən 28 nəfər ötən bir ildə ölkəyə ekstradisiya edilib
- Rusiyadan Azərbaycana ekstradisiya edilən şəxsin məhkəməsi başlayır
- Bakıda anası və bacısını öldürən şəxs Rusiyadan Azərbaycana ekstradisiya edilib
- Ukraynada həbs edilən azərbaycanlı iş adamı ekstradisiya olunub
- Beynəlxalq axtarışda olan şəxs Ukraynadan Azərbaycana ekstradisiya edilib
- Rusiya Telman İsmayılovun ekstradisiyasında israrlıdır
- Vətəndaşlara külli miqdarda ziyan vuran şəxs Rusiyadan ekstradisiya olunub
- Azərbaycandan İrana 20 məhkum ekstradisiya edilib
- 200-dən çox cinayətkar Azərbaycana ekstradisiya olunub - Son 5 ildə
- Beynəlxalq axtarışa verilən iki nəfər Azərbaycana ekstradisiya edilib