Biləsuvar sakini Şirvanda külli miqdarda narkotiklə saxlanılıb - FOTO
22:36 01 Aprel 2021
Şirvanda 2,7 kq narkotik vasitə dövriyyədən çıxarılıb.
APA-nın Mil-Muğan bürosunun məlumatına görə, Şirvan Şəhər Polis Şöbəsi (ŞPŞ) tərəfindən keçirilən əməliyyat tədbirləri nəticəsində 2,7 kiloqram narkotik vasitələr olan tiryək və heroin dövriyyədən çıxarılıb.
Əməliyyat-istintaq tədbirləri nəticəsində Biləsuvar rayonunun Günəşli kənd sakini, 1998-ci il təvəllüdlü Tahirli Əli Eldar oğlu şəhərin H.Əliyev prospektində yerləşən dayanacağın arxasından içərisində narkotik vasitələr olan zənbili özü ilə götürüb oradan uzaqlaşan zaman polis tərəfindən saxlanılıb. Saxlanılan şəxs polis şöbəsinə gətirilərək əlində olan zənbilə baxış keçirilib. Baxış zamanı zənbilin içərisindəki sellofan bağlamalardan 1,450 kq narkotik vasitə olan tiryək və 1,230 kq narkotik vasitə olan heroin aşkar olunaraq götürülüb.
Ə.Tahirli öz izahatında qeyd edib ki, narkotik vasitələri İran İslam Respublikasının vətəndaşının telefonla tapşırığı əsasında gizli saxlanc yerindən götürərək Bakı şəhərinə çatdırmalı idi. Lakin onun bu niyyəti baş tutmayıb və polis tərəfindən saxlanılıb.
Faktla bağlı Şirvan ŞPŞ-nin İstintaq bölməsində Cinayət Məcəlləsinin 234.4.3-cü maddəsi ilə cinayət işi başlanılıb, istintaq aparılır.
Oxunub: 446
Oxşar xəbərlər
- Biləsuvarda avtomobil piyadanı vuraraq öldürüb
- Biləsuvarda avtomobil piyadanı vuraraq öldürüb
- Biləsuvarda avtomobil qaz xəttinə çırpılıb, bir kənd qazsız qalıb
- Biləsuvarda qəza törədərək qaçan sürücünün şəxsiyyəti məlum olub
- Biləsuvarda yol qəzasında xəsarət alan şəxs ölüb
- Biləsuvarda Cəbrayıl sakini intihar edib
- Biləsuvar Təhsil Kompleksinə yeni rəhbər təyin olunub
- Biləsuvarda kişi qonşusuna 8 bıçaq zərbəsi vurub
- Biləsuvarda 37 yaşlı kişi bıçaqlanıb
- Biləsuvarda traktor avtomobillə toqquşub, ölən var