İtkin düşmüş erməni əsgərlərinin qohumları Yerevan-Gümrü dəmir yolunu bağladılar
15:11 09 Aprel 2021
Qarabağda müharibə zamanı itkin düşmüş erməni hərbçilərinin qohumları səhər saatlarında Yerevan-Gümrü dəmir yolunu bağlayıblar.
Nəticədə qatarların bu marşrut üzrə hərəkəti dayanıb.
“Sərnişindaşıma qrafiki pozulub. Elektrik qatarları stansiyalarda qalıb”, - Cənubi Qafqaz dəmir yolu şirkətinin mətbuat katibi Ruben Qrdzelyan yerli mediaya deyib.
Ermənistan Müdafiə Nazirliyinin binası qarşısındakı vəziyyət gərgin olaraq qalır. İtkin düşmüş əsgərlərin valideynləri nazirliyin binasına soxulmağa çalışırlar. Əsgərlərin valideynləri Müdafiə naziri Vaqarşak Arutyunyanın və Baş Qərargah rəisi Artak Dakvtyanın görüş üçün onların qarşısına çıxmalarını tələb edirlər.
Hüquq-mühafizə orqanları valideynləri sakitləşdirməyə çalışsa da, hələ ki heç bir nəticə əldə olunmayıb. Müstəqil deputat Sofia Ovsepyan hadisə yerindədir. O, Müdafiə Nazirliyində məsələnin optimal həll yolunu tapmaq üçün müşavirə keçirildiyini bildirib.
Cümə günü səhər saatlarında etirazçılar nazirlik binasının üzərində helikopterin uçduğunu görüblər. Bəziləri nazir Vaqarşak Arutyunyanın helikopterlə ərazidən uzaqlaşdığını, digərləri isə əksinə Müdafiə Nazirliyinə gəldiyini düşünür. Report
Femida.az
Oxunub: 1038
Oxşar xəbərlər
- Krım körpüsünü partladan yük maşını Ermənistana necə daxil olub?
- Belarus səfiri Ermənistan XİN-ə çağırılıb
- Azərbaycan XİN: "Ermənistan bölgədə vəziyyəti gərginləşdirmək istəyir"
- Hikmət Hacıyev Baydenin köməkçisi və Ermənistan TŞ-ın katibi ilə görüşüb
- XİN: Ermənistanı beynəlxalq öhdəliklərə əməl etməyə çağırırıq
- Zakir Həsənov Ermənistan tərəfindən törədilə biləcək istənilən təxribatın qarşısının alınması üçün tapşırıqlar verib
- Ermənistan tərəfindən açılan atəş nəticəsində Azərbaycanın üç hərbçisi yaralanıb
- Azərbaycan MN: "Ermənistan MN-in yaydığı məlumat tamamilə yalandır"
- Naxçıvanda Ermənistana məxsus PUA zərərsizləşdirilib
- Azərbaycan MN: "Ermənistan silahlı qüvvələrinin canlı qüvvəsi və texnikası böyük itkilər verərək geri çəkilib"