Yeddi nəfər koronavirus xəstəsi ictimai yerlərdə saxlanılıb


09:36     17 Aprel 2021 2021/04/c680e55d-df36-305c-ad4d-0e91b7825c53_850_1618639678.jpg

Daxili işlər orqanlarının əməkdaşları tərəfindən aprelin 16-da respublika ərazisində 7 nəfər aktiv koronavirus xəstəsi ictimai yerlərdə aşkar edilərək saxlanılıb.

Bu barədə Femida.az-a DİN-in Mətbuat xidmətindən məlumat verilib.

Polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

"Bir daha vətəndaşlarımızdan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələrini xahiş edirik", - DİN-dən bildirilib.

Açar sözlər:

Oxunub: 640