Qadına qarşı soyğunçuluq edən şəxs saxlanılıb
12:42 24 Aprel 2021
Aprelin 21-də Gəncə şəhər sakini olan bir qadın, Gəncə Şəhər Baş Polis İdarəsinin Nizami Rayon Polis İdarəsinə müraciət edərək, yaşadığı evin qarşısında, tanımadığı bir şəxsin onu itələyərək yerə yıxması və içərisində 100 manat olan pul kisəsini götürərək hadisə yerindən qaçdığını bildirib.
Daxili İşlər Nazirliyinin Mətbuat Xidmətinin Gəncə regional qrupundan Femida.az-a verilən məlumata görə, polis əməkdaşlarının keçirdikləri peşəkar əməliyyat-axtarış tədbirləri nəticəsində vətəndaşa məxsus pul kisəsini soyğunçuluq yolu ilə mənimsəməkdə şübhəli bilinən şəxsin şəhər sakini, 33 yaşlı Pərviz İsmayılov olması müəyyən edilib.
P. İsmayılov saxlanılaraq istintaqa təhvil verilib.
Bundan başqa RPİ-nin əməkdaşlarının keçirdikləri əməliyyat-axtarış tədbirləri nəticəsində qanunsuz olaraq narkotik vasitə əldə edib saxlamaqda şübhəli bilinən şəhər sakini, əvvəllər məhkum olunmuş Səbuhi Mədət-zadə saxlanılaraq polis idarəsinə gətirilib. Şəxsi axtarış zamanı onun üzərindən 450 qram narkotik vasitə olan “tiryək” aşkar edilərək götürülüb.
Hər iki faktla bağlı Gəncə ŞBPİ-nin İstintaq və Təhqiqat İdarəsində cinayət işi başlanılıb, araşdırmalar davam etdirilir.
Oxunub: 1076
Oxşar xəbərlər
- Qadına hədə-qorxu gələrək pulunu alan şəxsə cinayət işi açıldı
- Qadına qarşı zorakılıq edən polis işdən çıxarıldı - RƏSMİ
- Qadına zor tətbiq edib pulqabısını aldı
- Qadına qarşı dələduzluq edən şəxs tutulub
- Qadına zor tətbiq edib qızıl boyunbağısını aldı
- Qadına qarşı quldurluq edən iki qardaşa 16 il cəza verildi
- Qadına işgəncə verən şəxsə daha bir cinayət işi açılıb
- Qadına qarşı oğurluq etdi
- Qadına bıçaqlayan şəxs saxlanılıb
- Qadına küçədə hücum etdi -VİDEO