Rusiyadakı azərbaycanlı miqrantlar 10 illik vahid sənədlə təmin ediləcək
10:14 01 May 2021
Rusiyadakı bütün miqrantlar, o cümlədən azərbaycanlılar Daxili İşlər Nazirliyi tərəfindən ölkədə uzun müddət qalmaları üçün elektron sənədlə təmin ediləcəklər.
Femida.az xəbər verir ki, bu barədə TASS-ın sorğusuna cavab olaraq nazirliyin mətbuat mərkəzindən məlumat verilib.
Nazirlik sənədin tətbiqinin müddətini açıqlamayıb.
Qeyd edilir ki, xarici ölkə vətəndaşlarının Rusiya Federasiyasında uzun müddətli qalmaları üçün məcburi şərtli elektron məlumat daşıyıcısı kimi vahid sənədlər hazırlanacaq. Vahid sənədlərin xarici ölkə vətəndaşlarına 10 ilə qədər müddətinə verilməsi planlaşdırılır.
Sənəddə onun sahibi haqqında informasiya yerləşdiriləcək. Məlumatların siyahısı, habelə vahid sənədin qeydiyyatı, verilməsi qaydası federal qanun layihəsi və müvafiq qaydaların hazırlanması zamanı dəqiqləşdiriləcək.
Daxili İşlər Nazirliyi apreldə bildirib ki, ölkədə Özbəkistanın 300 min nəfər, Tacikistanın 200 min nəfərdən çox sakini, həmçinin Ukraynadan, Azərbaycandan, Ermənistandan, Qırğızıstandan və Qazaxıstandan yüz minlərlə miqrant var. Nazirlik apreldə onların Rusiya ərazisində qalma müddətini uzatmağa söz verib.
Oxunub: 945
Oxşar xəbərlər
- Rusiyadakı səfirliyimiz erməni təxribatının qarşısını aldı
- Rusiyadakı azərbaycanlılar Baş prokuror İqor Krasnova müraciət ediblər
- Rusiyadakı Azərbaycan diasporunun vəziyyəti müzakirə olunub
- Rusiyadakı Azərbaycan icması erməni təxribatı ilə bağlı Moskva hökumətinə müraciət edib
- Rusiyadakı qəzada yaralanan azərbaycanlıların sayı artıb
- Rusiyadakı partlayışda ölənlərin sayı 20-yə çatıb