Dövlət Komitəsində İctimai Şuranın yeni seçilən üzvləri ilə görüş olub
15:33 04 May 2021
Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev komitə yanında İctimai Şuranın yeni seçilən üzvləri ilə görüşüb.
Femida.az xəbər verir ki, Dövlət Komitəsinin sədri şura üzvlərini təbrik edib, onlara gələcək fəaliyyətlərində uğurlar arzulayıb.
Prezident İlham Əliyevin rəhbərliyi ilə ölkəmizdə bütün sahələrdə, o cümlədən qaçqınlar və məcburi köçkünlərlə iş sahəsində islahatlar aparıldığı, 44 günlük Vətən müharibəsində qazanılan qələbə nəticəsində isə bu kateqoriyadan olan vətəndaşların öz doğma torpaqlarına qayıtmasına imkan yarandığı diqqətə çatdırılıb.
Məcburi köçkünlərin mütləq əksəriyyətinin tezliklə doğma yurda dönmək arzusunda olduğu, dövlətimizin başçısının tapşırığı ilə böyük qayıdışa hazırlıq görüldüyü, bu məqsədlə geniş miqyaslı tədbirlərin həyata keçirildiyi qeyd edilib.
İctimai Şuranın yeni tərkibinin məhz belə məsul bir vaxtda fəaliyyətə başladığı vurğulanıb. Bildirilib ki, məcburi köçkünlərlə iş sahəsində dövlət siyasətinin hazırlanmasında və həyata keçirilməsində ictimai iştirakçıllığın səmərəli təşkilinə nail olmaq üçün komitə tərəfindən Şuraya hər cür dəstək veriləcəkdir.
İctimai Şuranın yeni seçilmiş üzvləri mövcud qanunvericiliyə və ölkə rəhbərinin tələbinə uyğun fəaliyyət göstərəcəklərini, qaçqın və məcburi köçkünlərlə səmərəli iş aparmaqla yanaşı, onların maariflənməsində və qanuni mənafelərinin qorunmasında yaxından iştirak edəcəklərini bildiriblər.
Görüşdən sonra İctimai Şuranın yeni tərkibdə ilk iclası keçirilib. Anar Xəlilov İctimai Şuranın sədri, Xatirə Vəliyeva sədr müavini və Samirə Hüseynova isə katibi seçilib.
Oxunub: 768
Oxşar xəbərlər
- Dövlət Komitəsi Sumqayıtda əri tərəfindən zorakılıqla üzləşən qadınla bağlı məlumat yayıb
- Dövlət Məşğulluq Agentliyi auitor seçib
- Dövlət Agentliyinin vəzifəli şəxsi saxlanılıb
- Dövlət qurumları adından saxta iş elanları verən şəxs saxlanılıb
- Dövlət Məşğulluq Agentliyi 66 milyon manatlıq ev heyvanları alacaq
- Dövlət Xidmətinə müraciət edən istehlakçılara 118 min manat geri qaytarılıb
- Dövlət Agentliyi saxta iş elanları ilə bağlı vətəndaşlara xəbərdarlıq edib
- Dövlət evsiz vətəndaşlara ev verir? – Ekspert çaşqınlığa aydınlıq gətirdi
- Dövlət Agentliyi kombilərdən istifadənin məhdudlaşdırılmasına çağırıb
- Dövlət Dram Teatrına məxsus avtomobildən oğurluq edilib