Bakıdakı məktəblərin hamısı dezinfeksiya olunub
17:12 16 May 2021
Ümumi təhsil müəssisələrində əyani tədrisə keçid dövrünə hazırlıq çərçivəsində Bakı Şəhəri üzrə Təhsil İdarəsinin (BŞTİ) tabeliyindəki məktəblərdə dezinfeksiya işləri həyata keçirilib.
Bu barədə Femida.az-a cavab olaraq BŞTİ-dən məlumat verilib.
Bildirilib ki, həmçinin təhsil müəssisələri virus əleyhinə qoruyucu vasitələr, dezinfeksiyaedici maddələr və temperatur ölçən cihazlarla təmin edilib, məktəblərin həyətyanı ərazilərində ara məsafəsi saxlanılması üçün işarələnmələr aparılıb, maarifləndirici lövhələr yerləşdirilib və sinif otaqlarında partaların düzülüşü müvafiq qaydaların tələblərinə uyğunlaşdırılıb.
Eyni zamanda ümumi təhsil müəssisələrinə mövcud sanitar-epidemioloji vəziyyətlə bağlı vaxtaşırı maarifləndirici təlimati göstərişlər verilib. Təhsilverənlərin və təhsilalanların sağlamlıqlarını qorumaları üçün şəxsi gigiyena qaydalarına ciddi riayət edilməsi tövsiyə olunub.
Qeyd edək ki, BŞTİ-nin tabeliyindəki təhsil müəssisələrində tədris və təlim-tərbiyə prosesi Nazirlər Kabinetinin “Xüsusi karantin rejimi dövründə Azərbaycan Respublikasında fəaliyyət göstərən təhsil müəssisələrində tədris və təlim-tərbiyə prosesinin təşkilinin müvəqqəti Qaydaları”na uyğun olaraq təşkil olunur. Pandemiya səbəbindən BŞTİ-nin tabeliyindəki ümumi təhsil müəssisələrinin fəaliyyətində fasilə yarandığı dövrdən mütəmadi olaraq dezinfeksiya işləri və müvafiq qabaqlayıcı tədbirlər həyata keçirilib. Ümumi təhsil müəssisələrinin əyani tədrisə hazırlığı istiqamətində digər təxirəsalınmaz tədbirlərin həyata keçirilməsi də davam etdirilməkdədir.
Məlumat üçün bildirək ki, sabahdan Bakı, Sumqayıt, Gəncə və Şəki şəhərləri, Abşeron rayonunun ərazisində yerləşən ümumi və məktəbdənkənar təhsil müəssisələrində əyani tədris forması qismən bərpa ediləcək.
Oxunub: 1015
Oxşar xəbərlər
- Bakıdakı yanğınla bağlı FHN məlumat yayıb
- Bakıdakı Qran-prinin vaxtı dəqiqləşdi
- Bakıdakı Müqəddəs Jen-Mironosits kilsəsi ilə bağlı videoçarx hazırlanıb
- Bakıdakı bu parkın 70 faizi meşə zonası olacaq
- Bakıdakı yəhudi sinaqoqunda şəhidlərin xatirəsi anıldı
- Bakıdakı poliklinikalar 7 günlük iş rejiminə keçib
- Bakıdakı aksiya ilə bağlı polisdən açıqlama: "Saxlanılan yoxdur"
- Bakıdakı videoproyeksiya İtaliyada böyük maraqla qarşılandı
- Bakıdakı daha bir Avropa çempionatı təxirə salındı
- Bakıdakı uşaq bağçalarında bir sıra çatışmazlıqlar aşkarlanıb