Qarabağ Müharibəsi Cinayətlərini Araşdırma Komissiyasının ilk iclası keçirilib
18:30 16 May 2021
Ankarada fəaliyyət göstərən Qarabağ Müharibəsi Cinayətlərini Araşdırma Komissiyasının videokonfrans formatında ilk iclası keçirilib.
Femida.az AZƏRTAC-a istinadən xəbər verir ki, iclasda əvvəlcə komissiyanın sədri Salih Kurt, Türkiyənin Azərbaycandakı sabiq səfiri, komissiyanın İdarə Heyətinin üzvü Hulusi Kılıç, ehtiyatda olan türkiyəli general, araşdırma heyətinin sədri Yücel Karauz, rusiyalı tarixçi və siyasi analitik Oleq Kuznetsov, yazıçı-publisist Müslüm Aktürk, vəkil Mustafa Kuran və başqalarının çıxışları dinlənilib.
Komissiyanın üzərinə düşən missiyanı ləyaqətlə başa çatdıracağına inandığını ifadə edən sədr Salih Kurt əminliklə bildirib ki, komissiya fəaliyyətini daha da genişləndirərək ədalət carçısı kimi tanınacaq.
Müzəffər Azərbaycan Ordusunun işğal altındakı torpaqları azad etməsini tarixi hadisə və milli şərəf kimi dəyərləndirən səfir Hulusi Kılıç bildirib ki, düşmənin törətdiyi amansız dağıntılar və müharibə cinayətlərinin araşdırılması hər birimizin üzərinə düşən mənəvi borcdur.
Tədqiqatçı Yücel Karauz əminliklə ifadə edib ki, komissiya fəaliyyət istiqamətlərini dəqiqləşdirməklə hədəflərinə çatacaq.
Sonra Türkiyə Prezidentinin baş müşaviri, tədqiqatçı alim Seyit Sertçelik 8 il tədqiqat apardığı Rusiya arxivləri ilə bağlı fikirlərini bölüşərək vurğulayıb ki, Ermənistanın əsaslı dövlət arxivi yoxdur, onlar rus arxivlərinin surəti əsasında arxiv yaradıblar.
Komissiyanın növbəti iclası mayın 18-də keçiriləcək.
Oxunub: 1371
Oxşar xəbərlər
- Qarabağda iki su anbarı tikiləcək
- Qarabağda daha 13 kənddə yaşayış məntəqələrinin salınmasına başlanılır
- Qarabağda qanunsuz erməni silahlı birləşmələri atəşkəs rejimini pozub
- Qarabağda döyüşməmək üçün özlərini şikəst edən ermənilər mühakimə olunacaq
- Qarabağ separatçılarından biri Rusiyada həbs edilib
- Qarabağda işləmək istəyənlərin NƏZƏRİNƏ! - Bu güzəştlər ediləcək - VİDEO
- Qarabağda mühəndis təminatı üzrə tədbirlər davam etdirilir
- Qarabağ iqtisadi rayonu üzrə xüsusi nümayəndə təyin olunub
- Qarabağda döyüşlərdə iştirak etmiş erməni silahlı dəstəsinin başçısı həbs olunub
- Qarabağda 73 mülki şəxs minaya düşüb, 24 nəfər ölüb