Pakistanın Baş naziri Azərbaycan Prezidentini təbrik edib
20:18 27 May 2021
Pakistan İslam Respublikasının Baş naziri İmran Xan Azərbaycan Respublikasının Prezidenti İlham Əliyevə təbrik məktubu ünvanlayıb.
Femida.az-ın məlumatına görə, mətndə deyilir:
"Zati-aliləri.
Azərbaycanın milli bayramı - Respublika Günü münasibətilə Sizə səmimi təbriklərimi çatdırmaqdan şərəf duyuram.
Pakistan Azərbaycanla olan strateji əlaqələri yüksək qiymətləndirir. Mükəmməl ikitərəfli münasibətlərimiz Azərbaycanın İkinci Qarabağ müharibəsindəki qələbəsindən sonra daha da möhkəmlənib. Pakistan çətin anlarda daim qardaş Azərbaycanın yanında olub.
Əminəm ki, yaxın günlərdə ikitərəfli əməkdaşlığımız xalqlarımızın rifahı naminə bir çox sahədə daha da dərinləşəcək. Azərbaycanın işğaldan azad edilmiş ərazilərinin yenidən qurulmasında iştirak etməyə hazırıq.
Cənab Prezident, fürsətdən istifadə edərək Sizə cansağlığı, xoşbəxtlik, qardaş Azərbaycan xalqına firavanlıq və davamlı inkişaf arzu edirəm.
Zati-aliləri, mənim dərin hörmətimi və xoş arzularımı qəbul edin".
Oxunub: 1295
Oxşar xəbərlər
- Pakistanın cənub-qərbində 9 yaraqlı zərərsizləşdirilib
- Pakistanın Baş naziri bu gün Türkiyəyə səfər edəcək
- Pakistanın Baş naziri Türkiyəyə səfər edəcək
- Pakistanın yeni Baş naziri seçilib
- Pakistanın Baş naziri İmran Xan istefa verib
- Pakistanın Baş naziri Azərbaycanın müdafiə nazirini qəbul edib
- Pakistanın Baş naziri 23 ildən sonra ilk dəfə Rusiyaya səfər edəcək
- Pakistanın baş diplomatı Zəfər Günü münasibətilə təbrik ünvanlayıb
- Pakistanın cənub-qərbində terrorçulara qarşı əməliyyat keçirilib
- Pakistanın hərbi nümayəndə heyəti hərbi təhsil müəssisələrini ziyarət edib