Çində partlayış zamanı 11 nəfər ölüb, 144 nəfər yaralanıb


10:23     13 İyun 2021 21_06_13_1623565484.jpg

Çinin Xubey əyalətinin Şiyan şəhərində partlayış zamanı azı 11 nəfər həlak olub, daha 144 nəfər yaralanıb.

Femida.az xəbər verir ki, bu barədə ölkənin Mərkəzi Televiziyası məlumat yayıb.

Qeyd edilir ki, hadisə Çjanvan rayonunda, ərzaq bazarının olduğu yaşayış kompleksində qeydə alınıb. Hadisəyə qaz sızması səbəb olub. Partlayış dalğası 40-a yaxın ticarət köşkünü dağıdıb.

Bazar partlayış zamanı artıq fəaliyyətdə imiş, xeyli adam səhər yeməyi yeyirmiş.

Telekanalın məlumatına görə, xilasedicilər dağıntılar altından 144 yaralını çıxarıblar, onların hamısı xəstəxanalara yerləşdirilib. Yaralılardan 37-si ağır vəziyyətdədir. Hadisə zamanı 11 nəfər həlak olub.

Açar sözlər:

Oxunub: 686