53 əfqan hərbçi Özbəkistan ərazisinə keçib


19:33     24 İyun 2021 2021/06/afghanistan_soldiers_241219_1624548860.jpg

23 iyun 2021-ci ildə Əfqanıstan sərhəd qoşunlarının 53 hərbçisi Şortepa rayonu ərazisində Özbəkistan ərazisinə keçib.


Femida.az Özbəkistan Xarici İşlər Nazirliyinə (XİN) istinadən xəbər verir ki, Özbəkistan Əfqanıstanla həmsərhəd şimal əyalətlər daxil olmaqla hərbi-siyasi vəziyyətin inkişafını yaxından izləyir: “Qonşu ölkədə şiddətin artması son dərəcə narahatedicidır. Koronavirus pandemiyasının yeni dalğası fonunda gərginliyin artması əfqan xalqının həyatını çətinləşdirir. Münaqişədə iştirak edən bütün tərəfləri güc tətbiq etməkdən çəkinməyə və mülki insan itkilərinin qarşısını almağa çağırırıq".

Qeyd edilir ki, lazımi istintaq hərəkətləri həyata keçirildikdən sonra Əfqanıstan vətəndaşları vətənlərinə qaytarılıb.

XİN Özbəkistan ərazisinə qanunsuz daxil olmaq cəhdlərinin qətiyyətlə yatırılacağını və dövlət sərhədini pozanlara qarşı ən sərt tədbirlərin görüləcəyini vurğulayıb.

Bundan əlavə, Xarici İşlər Nazirliyi Özbəkistan hökumətinin ölkədə həyata keçirilməsinə kömək edəcək böyük enerji, nəqliyyat və kommunikasiya layihələrinin həyata keçirilməsi yolu ilə qardaş əfqan xalqına hərtərəfli iqtisadi və humanitar dəstək verməyə davam edəcəyini bildirib.

Açar sözlər:

Oxunub: 570