Polisə müqavimət göstərən restoran sahibi həbs edildi - FOTO
20:58 24 İyun 2021
Şəmkirdə polisə qarşı zor tətbiq edən "Qoşa qala" restoranının sahibi, Şəmkir sakini Tural Zeynalov barəsində 3 aylıq həbs qətimkan tədbiri seçilib.
Bu barədə Femida.az-a DİN-in Mətbuat Xidmətinin Gəncə regional qrupunun baş inspektoru Eşqin Qasımov bildirib.
Onun sözlərinə görə, məlum hadisə ilə əlaqədar Şəmkir Rayon Polis Şöbəsində Cinayət Məcəlləsinin 221.2.1-ci (Xuliqanlıq) maddəsi ilə cinayət işi başlanılıb. Daha sonra Cinayət Məcəlləsinin 315-ci (Hakimiyyət nümayəndəsinə qarşı müqavimət göstərmə və ya zor tətbiq etmə) maddəsi ilə tövsif edilib və cinayət işinin araşdırılması üçün aidiyyəti üzrə Rayon Prokuroluğuna göndərilib.
Rayon Məhkəməsinin qərarı ilə Tural Zeynalov barəsində 3 ay müddətinə həbs qətiimkan tədbiri seçilib. Faktla bağlı Rayon Prokurorluğunda araşdırmalar davam etdirilir.
Qeyd edək ki, iyun ayının 21-də Şəmkir Rayon Polis Şöbəsinə rayon ərazisində fəaliyyət göstərən "Qoşa qala" restoranında karantin qaydalarına zidd olaraq toy mərasimi keçirilməsi barədə məlumat daxil olub. Polis əməkdaşları adıçəkilən restorana gəldikdə restoran sahibi obyektin qapılarını bağlayaraq polis əməkdaşlarının qanuni fəaliyyətinə mane olub, daha sonra içəri daxil olan polis əməkdaşlarının qanuni tələblərinə əməl eməyib, onlara qarşı zor tətbiq edərək xuliqanlıq hərəkərləri törədib. RPŞ əməkdaşları qanunla müəyyən edilmiş qaydada Tural Zeynalovu saxlayaraq RPŞ-yə gətirib, lakin sonuncu polis şöbəsində nalayiq ifadələr işlədərək və və zor tərbiq edərək xuliqanlıq hərəkətlərini davam etdirib.
Oxunub: 788
Oxşar xəbərlər
- Polisə zor tətbiq edilməsi ilə bağlı cinayət işi açılıb
- Polisə balta ilə hücum edənlərin məhkəməsi başlayır
- Polisə qarşı zor tətbiq edən şəxs həbs olundu
- Polisə tabe olmayan AXCP üzvü həbs edildi
- Polisə tabe olmayan yük maşınının sürücüsü həbs edilib
- Polisə saxta jurnalist vəsiqəsi təqdim edən məktəb direktoru saxlanılıb - VİDEO
- Polisə silahlı müqavimət göstərən şəxs məhv edildi
- Polisə məlumat verdi - Oğrular tutuldu
- Polisə yalan məlumat verən Bakı sakini saxlanılıb
- Polisə silahlı müqavimət göstərən şəxslərə cinayət işi açıldı