Azərbaycan və İran arasında dənizçilik üzrə anlaşma imzalanacaq
16:59 11 İyul 2021
Yaxın gələcəkdə İranla Azərbaycan arasında dənizçilik üzrə anlaşma imzalanacaq.
Bunu İranın "Khazar" Gəmiçilik Şirkətinin icra direktoru Davud Təfti deyib.
D.Təftinin sözlərinə görə, bu anlaşma əsasən Şərq-Qərb Dəhlizində tranzit üzrə olacaq.
Təfti əlavə edib ki, İran Azərbaycanla birlikdə Şimal-Cənub Dəhlizini aktivləşdirib. Bundan əlavə Şərq-Qərb Dəhlizində Azərbaycanla əməkdaşlıq etmək niyyətindədir.
Şirkət rəsmisi bildirib ki, Azərbaycan və İran Şərq-Qərb və Şimal-Cənub Dəhlizlərində yerləşirlər və Avropadan daşınan məhsullar bu vasitə ilə Fars körfəzinə nəql olunacaq: “Avropadan Asiya istiqamətində daşınan məhsullar Azərbaycan limanları vasitəsi ilə İran limanlarına nəql olunacaq. İran limanlarından isə şərq ölkələrə, o cümlədən Əfqanıstan və Pakistana daşınacaq”.
Təfti qeyd edib ki, “Khazar” Dənizçilik Şirkəti Cənubi Koreyadakı nümayəndəlik vasitəsi ilə müəyyən infrastrukturlar yaradıb ki, məhsullar birbaşa Cənubi Koreyadan İranın cənub limanlarına daşınsın və oradan dəmiryolu vasitəsi ilə və ya şimal limanları vasitəsi ilə Azərbaycana daşınsın.
Şirkət rəsmisinin sözlərinə görə, tranzit sahəsində müstəqil şəkildə addım atmaq mümkün deyil. Müştərilərə daha yaxşı xidmətlər təqdim edə biləcək hər bir addım bütün orqanlar tərəfindən dəstəklənməlidir. Missal üçün dəmiryolu bir sahədə daha uğurludursa, bütün digər orqanlar, o cümlədən gəmiçilik dəmiryoluna köməklik göstərməlidir ki, tranzit artsın.
Təfti qeyd edib ki, “Khazar” Gəmiçilik Şirkətinin məqsədi limanların potensialından maksimum istifadə etməkdir.
Oxunub: 780
Oxşar xəbərlər
- Azərbaycan Ordusunun mövqeləri atəşə tutulub
- Azərbaycan Mərkəzi Bankı əhaliyə xəbərdarlıq edib
- Azərbaycanda hərbi xidmətə növbəti çağırış başlayıb
- Azərbaycan Prezidenti Bolqarıstana rəsmi səfərə gedib
- Azərbaycan Mərkəzi Bankının valyuta məzənnələri (27.09.2022)
- Azərbaycanda qızlar niyə yoxa çıxır? - Görün hardan tapılırlar
- Azərbaycan Ordusunun əsgəri vəfat edib
- Azərbaycanda hibrid avtomobillərin idxal və satışı daha 1 il vergidən azad ediləcək
- Azərbaycan Silahlı Qüvvələrinin daha 21 hərbçisi şəhid olub - SİYAHI
- Azərbaycan Mərkəzi Bankının valyuta məzənnələri (05.09.2022)