İsrail səfiri Bakı Limanında olub
16:03 22 İyul 2021
Bu gün İsrailin Azərbaycandakı səfiri Corc Dik Ələt qəsəbəsində yerləşən Bakı Limanında olub. Burada “Bakı Beynəlxalq Dəniz Ticarət Limanı” QSC-nin baş direktoru Taleh Ziyadovla görüşən qonaqa məlumat verilib ki, Trans-Xəzər Beynəlxalq Nəqliyyat Dəhlizi və onun mühüm hissəsi olan Baki Limanı Avropa ilə Asiya arasında vacib qovşaq rolunu oynayır.
Femida.az xəbər verir ki, Bakı Limanının inkşafı barədə məlumat verən baş direktor liman ərazisində 2022-ci ilin sonuna kimi yeni gübrə terminalının istifadəyə verilməsinin nəzərdə tutulduğunu deyib. İllik yükaşırma gücü 2,5 milyon ton olacaq bu terminal sayəsində Orta Asiyadan Bakı Limanı vasitəsi ilə daşınan gübrə məhsulunun həcminin əhəmiyyətli dərəcədə artacağı gözlənilir.
Qeyd edilib ki, regionda ilk dəfə olaraq “Yaşıl Liman” statusunu alan Bakı Limanının illik yükaşırma imkanı 15 milyon ton və TEU ekvivalentində 100 min konteynerdi. Üstəlik, limanın ikinci fazasının inşası nəzərdə tutulur ki, bununla da limanın yükaşırma imkanı illik 25 milyon ton və TEU ekvivalentinda 500 min konteyner olacaq.
Daha sonra səfirin sualları cavablandırılıb və terminallarda görülən işlə əyani tanışlıq olub. Sonda baş direktor İsrail səfirinə Bakı Limanın tarixi və bu günündən bəhs edən kitab hədiyyə edib.
Femida.az
Oxunub: 426
Oxşar xəbərlər
- İsrail Dəməşqdən cənubda yerləşən hədəflərə raket zərbəsi endirib
- İsrail Ukraynaya hərbi yardımı genişləndirməyi nəzərdən keçirir
- İsrail bu ölkəni vurdu
- İsrail raket atəşinə məruz qalıb
- İsrail ordusu İordan çayının Qərb sahilində anti-terror əməliyyatı keçirir
- İsraildə terror aktını həyata keçirən şəxsin kimliyi məlum olub
- İsrail Baş naziri: “Qətiyyətli şəkildə Ukraynanın yanındayıq”
- İsrailin Baş naziri öz vətəndaşlarını Ukraynadan qayıtmağa çağırıb
- İsrail və Türkiyə prezidentləri arasında telefon danışığı olub
- İsrail səfirliyi Azərbaycan xalqına başsağlığı verib