Türkiyənin Azərbaycandakı səfiri Diaspor Komitəsində olub
17:53 30 İyul 2021
Diasporla İş üzrə Dövlət Komitəsinin sədri Fuad Muradov Türkiyənin Azərbaycana yeni təyin olunan səfiri Cahid Bağcı ilə görüşüb.
Femida.az xəbər verir ki, Dövlət Komitəsinin sədri Türkiyədə baş verən yanğınlarla bağlı təəssüfləndiyini, Azərbaycanın hər zaman Türkiyənin yanında olduğunu bildirib və iki qardaş ölkənin dostluq münasibətlərinin bütün dünya üçün nümunəyə çevrildiyini diqqətə çatdırıb.
Azərbaycan və Türkiyə Prezidentlərinin imzaladığı Şuşa bəyannaməsinin xüsusi əhəmiyyətini, bu sənədin diasporlarımız üçün Yol xəritəsi olduğunu qeyd edən F.Muradov Komitənin fəaliyyətindən, Türkiyə və Azərbaycan diasporlarının iş birliyindən, Yurddışı Türklər və Əqraba Topluluqları İdarəsi ilə əməkdaşlıqdan danışıb, qardaş ölkədəki Azərbaycan təşkilatları və dərnəkləri barədə ətraflı məlumat verib.
Səfir Cahid Bağcı səmimi qəbula görə minnətdarlığını bildirib, Türkiyənin hər zaman Azərbaycanın yanında olduğunu qeyd edib, diasporlarımızın iş birliyinin zəruriliyini nəzərə çatdırıb.
Görüşdə diasporlarımızın beynəlxalq platformalarda birgə fəaliyyətinin vacibliyi, daha peşəkar vasitələrlə yumşaq gücə çevrilməsinin əhəmiyyəti haqda fikir mübadiləsi aparılıb.
Sonda səfirə xatirə hədiyyələri təqdim olunub.
Oxunub: 401
Oxşar xəbərlər
- Türkiyənin 2 hərbçisi şəhid olub
- Türkiyənin Baş Qərargahının Kəşfiyyat rəisi Azərbaycana səfərə gəlib
- Türkiyənin Müdafiə Nazirliyi Azərbaycana başsağlığı verib
- Türkiyənin 3 hərbçisi Suriya ilə sərhəddə həlak olub
- Türkiyənin müdafiə naziri Elçin Quliyevə və Zakir Həsənova başsağlığı verib
- Türkiyənin Milli Təhlükəsizlik Şurasında Qarabağ müzakirə ediləcək
- Türkiyənin məşhur şairi vəfat edib
- Türkiyənin birinci xanımı Azərbaycan xalqını təbrik edib
- Türkiyənin Milli Müdafiə naziri Bakıya gəlib
- Türkiyənin Mehteran Birliyinin nümayəndələri Azərbaycana gəlib