Şəhriyar Məmmədyarov bu gün Levon Aronyanla qarşılaşacaq
12:47 02 Avqust 2021
Bu gün Azərbaycan şahmatçısı Şəhriyar Məmmədyarov Maqnus Karlsenin təşkil etdiyi Çempionlar Turunun VIII mərhələsində növbəti görüşlərini keçirəcək.
Femida.az -ın məlumatına görə, bu, 36 yaşlı qrossmeysterin "Chessable Masters" adlanan turnirinin təsnifat mərhələsində son qarşılaşmaları olacaq.
Məmmədyarov XI turda niderlandlı Jorden Van Forestlə qara, XII turda Alireza Firuzca (FIDE) ilə ağ, XIII turda ABŞ təmsilçisi Uesli So ilə qara, XIV turda Levon Aronyanla ağ, sonuncu - XV turda isə norveçli Aryan Tari ilə qara fiqurlarla oynayacaq.
10 turdan sonra Azərbaycan təmsilçisi 16 şahmatçı arasında 6,5 xalla 4 - 6-cı yerləri bölüşdürür. Bugünkü görüşlərin ardından Məmmədyarovun növbəti raunda vəsiqə qazanıb-qazanmayacağı bəlli olacaq.
"Chessable Masters"
XI tur
Jorden Van Forest (Niderland) - Şəhriyar Məmmədyarov
XII tur
Şəhriyar Məmmədyarov - Alireza Firuzca (FIDE)
XIII tur
Uesli So (ABŞ) - Şəhriyar Məmmədyarov
XIV tur
Şəhriyar Məmmədyarov - Levon Aronyan (Ermənistan)
XV tur
Aryan Tari (Norveç) - Şəhriyar Məmmədyarov
Qeyd edək ki, onlayn turnir avqustun 8-də başa çatacaq. Yarışın mükafat fondu 100 min ABŞ dollarıdır. Qalib şahmatçı 30 min ABŞ dolları əldə edəcək. Azərbaycanın digər şahmatçısı Teymur Rəcəbovun adı iştirakçılar siyahısına daxil edilməyib.
Oxunub: 1042
Oxşar xəbərlər
- Şəhriyar Məmmədyarov bu gün Maqnus Karlsenlə qarşılaşacaq
- Prezident İlham Əliyev və Mehriban Əliyeva Şəhriyar Məmmədyarovun atası ilə görüşüb
- Şəhriyar Məmmədyarovun qazancı bəlli oldu
- Şəhriyar Məmmədyarov koronavirusa yoluxub
- Şəhriyar Məmmədyarov onlayn turnirdə dördüncü yeri tutdu
- Şəhriyar Levon Aronyanla heç-heçə edib
- Şəhriyar Məmmədyarovla Teymur Rəcəbov 100 şahmatçı arasında neçəncidir? - REYTİNQ
- Teymur Şəhriyara qalib gəldi - Dünya kubokunda
- Şəhriyar Məmmədyarovla Teymur Rəcəbov üz-üzə gəldi
- Məhəmmədhüseyn Şəhriyarın anım günüdür