Ermənistanda yeni nazirlər təyin edilib


14:25     03 Avqust 2021 2021/08/armen-1627983194_1627986510.jpg

Ermənistan prezidenti Armen Sarkisyan altı nazir və baş nazir müavininin təyin edilməsi haqqında fərmanlar imzalayıb.

Femida.az xəbər verir ki, Mqer Qriqoryan baş nazirin müavini postunda qalıb.
Fərmanlara əsasən, Vahan Kerobyan iqtisadiyyat, Vahram Dumanyan təhsil, mədəniyyət, elm və idman, Andranik Piloyan fövqəladə hallar, Anahit Avanesyan isə səhiyyə naziri vəzifəsinə təsdiqlənib.

Keçmiş ombudsman Karen Andreasyan (2011-2016) ədliyyə naziri təyin edilib.
Sabiq iqtisadiyyat naziri Tiqran Xaçatryan maliyyə naziri olub. O, 2020 -ci ilin noyabr ayında iqtisadiyyat naziri vəzifəsini tərk etmişdi.

Avqustun 2 -də Ermənistan prezidenti Nikol Paşinyanın baş naziri təyin edilməsi haqqında fərman imzalayıb. Paşinyanın namizədliyi 8-ci çağırış Ermənistan parlamentinin ilk iclasında "Vətəndaş müqaviləsi" fraksiyası tərəfindən irəli sürülüb.


Femida.az

Açar sözlər: #Ermənistan   #Nazir    

Oxunub: 467