“YAŞAT” Fondu daha 3 qazini Türkiyəyə göndərib
15:48 04 Avqust 2021
Vətən müharibəsində ağır yaralanan daha 3 qazi “YAŞAT” Fondu tərəfindən Türkiyəyə göndərilib.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin İctimaiyyətlə əlaqələr şöbəsindən Femida.az -a bildiriblər ki, onlar Atakişiyev Nəriman Qələndər oğlu, Ağayev Mübariz Şahab oğlu və Muradov Tanırverdi Mədəd oğludur.
Allah qazilərimizə şəfa versin!
“YAŞAT” Fondu tərəfindən Türkiyədən ölkəmizə gətirilən, həmçinin yerli həkimlərin rəyi nəzərə alınaraq qazilərimizin müvafiq müayinə, müalicə və reabilitasiya prosesi Türkiyədə davam etdiriləcək.
“YAŞAT” Fondu qazilərimizin müalicəsini tam yekunlaşana qədər nəzarətdə saxlayacaq. Fond tərəfindən həkim rəyi əsasında ağır yaralı olan qazilərimizin müalicə üçün xaricə davamlı şəkildə göndərilməsi təmin edilir.
Xatırladaq ki, Fond tərəfindən bu günə qədər 123 qazimiz müalicə üçün Türkiyəyə göndərilib. Onlardan 65-nin müalicə proseduru artıq uğurla yekunlaşıb və Vətənə qayıdıblar. Qazilərimizin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.
“YAŞAT” Fonduna müraciət etmək və Fondun fəaliyyəti ilə tanış olmaq üçün yashat.gov.az portalı istifadədir.
Fondun hesabatlılığı ilə tanış olmaq üçün keçid: https://yashat.gov.az/report/tableau
Həmçinin Fondun 8110 “Çağrı” Mərkəzi fəaliyyət göstərir.
Femida.az
Oxunub: 1085
Oxşar xəbərlər
- Daha 5 qazimiz sağalaraq Vətənə geri döndü - FOTO
- Nazir: “Ədliyyə işçiləri “YAŞAT” və Qarabağ Dirçəliş fondlarına 4,5 milyon manatdan çox ianələr edib”
- “YAŞAT” Fondunun növbəti iclası keçirilib
- "YAŞAT" Fondunun "Zəfər" Yarmarkası davam edir
- "Zəfər yarmarkası"ndan əldə olunan gəlir "YAŞAT"a köçürüləcək
- YAŞAT Fondu şəhid ailələri və qazilərə 44,5 milyon manatdan çox xərcləyib
- “İnnovasiyalar Mərkəzi” əməkdaşlarının və startapçıların qazilərlə görüşü keçirilib
- “YAŞAT” Fondu daha 4 qazimizi Türkiyəyə göndərdi
- Vergi cərimələrinin bir hissəsi "YAŞAT" Fonduna köçürüləcək
- Qazi haqda deyilənlər yalandır - "DOST" və “YAŞAT” birgə məlumat yaydı