Əfqanıstanda məsciddə partlayış törədilib

16:28     15 Oktyabr 2021

Əfqanıstanın cənubundakı Qəndəhar şəhərində güclü partlayış baş verib.

Femida.az xəbər verir ki, bu barədə yerli “Ashwaq” agentliyi məlumat yayıb.

Partlayış əyalətinin inzibati mərkəzindəki "İmam-Bərgah" məhəlləsində yerləşən şiə məscidində baş verib. Məlumata görə, terror aktı kamikadze tərəfindən törədilib.
Yerli sakinlər arasında çoxlu sayda ölən və yaralananlar var.

Hadisənin digər təfərrüatları hələlik açıqlanmayıb.

Xatırladaq ki, bir həftə əvvəl ölkənin şimalındakı Kunduz əyalətində cümə namazı zamanı məsciddə törədilən partlayış nəticəsində ən azı 120 nəfər ölüb, 150 nəfər yaralanmışdı.


Femida.az

Açar sözlər: #Əfqanıstan   #Partlayış    

Oxunub: 844