Eldəniz Səlimovun cinayət işi məhkəməyə göndərilib
20:39 22 Oktyabr 2021
Bu ilin iyulun 29-da Xaçmaz şəhərində yerləşən “Starıy Dvor” restoranında Milli Məclisin deputatı Eldəniz Səlimovun polis əməkdaşına xidməti vəzifələrinin icrası ilə əlaqədar zor tətbiq etməsi faktı ilə bağlı Baş Prokurorluğun İstintaq idarəsində Cinayət Məcəlləsinin müvafiq maddəsi ilə başlanmış cinayət işinin ibtidai istintaqı tamamlanıb.
Bu barədə Femida.az Baş Prokurorluğun Mətbuat Xidmətindən məlumat verilib.
Qeyd olunub ki, 29 iyul 2021-ci il tarixdə Xaçmaz şəhərində yerləşən “Starıy Dvor” restoranında Azərbaycan Respublikası Milli Məclisinin deputatı Eldəniz Səlimovun polis əməkdaşına xidməti vəzifələrinin icrası ilə əlaqədar zor tətbiq etməsi faktı ilə bağlı Baş Prokurorluğun İstintaq idarəsində Cinayət Məcəlləsinin müvafiq maddəsi ilə başlanmış cinayət işinin ibtidai istintaqı tamamlanmışdır.
İstintaqla qeyd edilən tarixdə Eldəniz Səlimovun qohumuna məxsus olan restoranda Xaçmaz rayon polis şöbəsinin Qeydiyyat və şəxsiyyət vəsiqəsi Qrupunun inspektoru, polis leytenantı Zaur Mirzəyevin bir neçə gün öncə öz xidməti vəzifəsini icra edərək həmin restoranda xüsusi karantin rejimi qaydalarının pozulması ilə əlaqədar etdiyi qanunamüvafiq hərəkətləri özünə hörmətsizlik kimi qiymətləndirərək Zaur Mirzəyevin ünvanına nalayiq ifadələr işlətməklə sonuncunun sifət və baş nahiyəsinə yumruq və başı ilə zərbələr vurmaqla sağlamlığa yüngül zərər vurmaya aid bədən xəsarətləri yetirməsinə əsaslı şübhələr müəyyən edilmişdir.
Eldəniz Səlimov Cinayət Məcəlləsinin 309.2-ci (vəzifə səlahiyyətlərini aşma) maddəsi ilə təqsirləndirilən şəxs qismində cəlb edilmiş, barəsində Binəqədi rayon məhkəməsinin qərarı ilə həbs qətimkan tədbiri seçilmişdir.
Hazırda cinayət işi baxılması üçün aidiyyəti üzrə Sumqayıt Ağır Cinayətlər Məhkəməsinə göndərilmişdir.
Femida.az
Oxunub: 2118
Oxşar xəbərlər
- Bu il prokurorluq tərəfindən 157 cinayət işi açılıb
- Ağdaşda Vətən müharibəsi qazisi intihar edib
- Kursantın intiharı ilə bağlı cinayət işi başlanıb
- Ermənistanın təxribatları ilə bağlı cinayət işi açılıb
- Beynəlxalq axtarışa verilən azərbaycanlı Ukraynada tutuldu
- İki rayon və bir şəhərə yeni prokuror təyin edildi
- Kamran Əliyev Gürcüstanın Baş naziri ilə görüşüb
- Baş Prokurorluq nəşi tapılan hərbçi barədə məlumat yayıb
- Baş Prokurorluğun idarələrinin sayı artırılıb
- Baş Prokurorluq polis serjantının ölümü ilə bağlı məlumat yayıb