Pakistan parlametinin sədri Sahibə Qafarovanı təbrik edib
16:48 06 Noyabr 2021
Pakistan İslam Respublikası Milli Assambleyasının sədri Əsəd Qeysər Milli Məclisin sədri Sahibə Qafarovaya 8 noyabr - Zəfər Günü münasibətilə təbrik məktubu ünvanlayıb.
Bu barədə parlamentin Mətbuat və ictimaiyyətlə əlaqələr şöbəsindən məlumat verilib.
Məktubda Pakistan Parlamentinin Milli Assambleyasının spikeri 44 günlük Vətən müharibəsinin birinci ildönümü münasibətilə təbriklərini ifadə edib, ötənilki müharibədə Azərbaycanın qələbəsini əlamətdar nailiyyət kimi qiymətləndirib.
Əsəd Qeysər Azərbaycan ərazilərinin işğaldan azad edilməsinin Pakistanda da qeyd olunduğunu vurğulayıb. Bildirib ki, bu nailiyyətə görə Azərbaycan rəhbərliyi, silahlı qüvvələri və xalqı hörmətə və alqışa layiqdir.
Spiker məktubunda Azərbaycanın işğal olunmuş torpaqlarının azad edilməsində yüksək peşəkarlıq və şücaət göstərmiş Vətən müharibəsi şəhidlərinə öz ehtiramını bildirib. Diqqətə çatdırıb ki, Pakistan hökuməti, parlamenti və xalqı hər zaman BMT qətnamələrinə uyğun olaraq Azərbaycanın ərazi bütövlüyünü dəstəkləyib və işğaldan azad edilmiş ərazilərin bərpası və yenidən qurulması işində Azərbaycanı bundan sonra da dəstəkləyəcək.
Pakistan Milli Assambleyasının sədri qardaş Azərbaycan xalqına tərəqqi və firavanlıq arzularını ifadə edib.
Oxunub: 580
Oxşar xəbərlər
- Pakistanda hərbi helikopter qəzaya uğrayıb, 2 zabit, 4 əsgər ölüb
- Pakistanda musson yağışlarda ölənlərin sayı 1 400 nəfərə çatıb
- Pakistanın cənub-qərbində 9 yaraqlı zərərsizləşdirilib
- Pakistanda terror aktı olub, 10 hərbçi yaralanıb
- Pakistanda avtobus dərəyə aşıb, 19 nəfər ölüb
- Azərbaycan Prezidenti Pakistan Senatının sədrini qəbul edib
- Pakistanın Baş naziri bu gün Türkiyəyə səfər edəcək
- Pakistanın Baş naziri Türkiyəyə səfər edəcək
- Pakistanda partlayış olub, ölən və yaralananlar var
- Pakistanın yeni Baş naziri seçilib