DTX-də Zəfər Gününə həsr olunmuş silsilə tədbirlər keçirilib
12:55 07 Noyabr 2021
2021-ci ilin 6 noyabr tarixində Dövlət Təhlükəsizliyi Xidmətinin (DTX) Heydər Əliyev adına Akademiyasında və Mədəniyyət Mərkəzində 8 Noyabr - Zəfər Günü münasibətilə tədbirlər keçirilmişdir.
DTX-nin mətbuat xidmətindən
Femida.az -a verilən məlumata görə, tədbirlərdə Xidmətin əməkdaşları, Vətən müharibəsi qaziləri və Akademiyanın kursantları iştirak etmişlər.
İlk öncə tədbir iştirakçıları DTX-nin Heydər Əliyev adına Akademiyasında Ulu Öndərin təhsil ocağının ərazisində ucaldılan abidəsini ziyarət etmiş, önünə gül dəstələri qoymuşlar. “Şöhrət” muzeyində qonaqlara dahi şəxsiyyət Heydər Əliyevin adını daşıyan Akademiyanın yaranma tarixi və fəaliyyəti, Azərbaycan təhlükəsizlik orqanlarının fəxri rəhbərinin bu mühüm dövlət təsisatında keçdiyi şərəfli yol barədə məlumat verilmişdir. Ziyarətçilər muzeydə Ümummilli Liderin mənalı ömür yolunu əks etdirən fotostendlərlə və digər eksponatlarla yaxından tanış olmuş, Vətən müharibəsindəki şanlı Qələbəyə həsr olunan sənədli filmə tamaşa etmişlər. Sonra kursantlarla Vətən müharibəsi qazilərinin səmimi görüşü baş tutmuş, qonaqlara hədiyyələr təqdim olunmuşdur.
Bunun ardınca DTX-nin Mədəniyyət Mərkəzində təşkil olunmuş tədbirə qatılan qonaqlar əvvəlcə Azərbaycan Respublikasının suverenliyi və ərazi bütövlüyü uğrunda canlarını fəda etmiş qəhrəman Vətən övladlarının əziz xatirəsini bir dəqiqəlik sükutla yad etmişlər. Dövlət himni səsləndirildikdən sonra DTX-nin Mədəniyyət Mərkəzinin hazırladığı İkinci Qarabağ müharibəsindən bəhs edən film nümayiş olunmuşdur.
Tədbirdə Vətən Müharibəsi Qəhrəmanı polkovnik Füzuli İmrəliyev çıxış edərək Müzəffər Ali Baş Komandan cənab İlham Əliyevin əzmi, qətiyyəti və yüksək sərkərdəlik bacarığı ilə aparılan 44 günlük haqq savaşında keçdiyi döyüş yolundan, çiyin-çiyinə vuruşduğu hərbçi yoldaşlarının igidliyindən və şücaətindən söz açmışdır. Müharibə iştirakçılarına və şəhid ailələrinə dövlətimiz tərəfindən göstərilən diqqət və qayğıdan da danışan qəhrəman zabit F.İmrəliyev DTX əməkdaşlarının Silahlı Qüvvələrin Ali Baş Komandanının əmr və göstərişlərini bundan sonra da layiqincə icra etməyə hazır olduğunu bildirmişdir.
Sonra tədbir tanınmış mədəniyyət və incəsənət xadimlərinin ifasında vətənpərvərlik mövzusunda konsert proqramı ilə davam etmişdir.
Femida.az
Oxunub: 643
Oxşar xəbərlər
- DTX və DSX birgə əməliyyat keçirib, saxlanılan var
- DTX-nin həbs etdiyi “Broker Əbülfəz” kimdir?
- DTX: Vətən müharibəsi iştirakçılarına qarşı dələduzluq edən şəxs həbs edilib
- DTX Bakıda erməni təxribatını ifşa etdi - Düşmənə “işləyən” 15 yaşlı qız tutuldu - VİDEO
- DTX Whatsapp yazışmalarını ələ keçirmək istəyənləri aldadan saxta hakeri məsuliyyətə cəlb edib
- DTX işçilərinin aylıq vəzifə maaşlarının məbləğlərində dəyişiklik təsdiqlənib
- DTX: "Rusiya təmsilçiləri Azərbaycana qarşı əsassız iddialar irəli sürüb"
- DTX-nin rəis müavini: "Kibertəhlükə ilə mübarizədə birgə fəaliyyətə ehtiyac var"
- DTX MİDA-da əməliyyat keçirdi - Saxlanılanlar var
- DTX Vətən müharibəsində Ermənistanın S-300 raketlərinin yerlərini müəyyənləşdirmək üçün hazırladığı əməliyyat planını açıqlayıb