Bakıda narkotacirlər saxlanıldı
18:32 02 Dekabr 2021
Səbail Rayon Polis İdarəsinin əməkdaşlarının daxil olan əməliyyat məlumatı əsasında həyata keçirdikləri tədbir nəticəsində narkotik vasitələrin qanunsuz dövriyyəsi ilə məşğul olan Xətai rayon sakini Anar Məmmədov tutularaq istintaqa təqdim edilib.
Bu barədə Femida.az -a Daxili İşlər Nazirliyinin (DİN) Mətbuat Xidmətindən məlumat verilib. Üzərində şəxsi axtarış aparılan zaman ondan narkotik vasitə heroin və psixotrop maddə metamfetamin aşkar edilərək götürülüb.
O, ifadəsində narkotik maddələri tanışı Məhərrəm adlı şəxsdən istifadə etmək məqsədi ilə aldığını bildirib. Əməliyyat tədbirlərinin davamı olaraq paytaxt ərazisində narkotik vasitələrin satışı ilə məşğul olan, əvvəllər məhkum olunmuş Məhərrəm Paşayev də saxlanılıb.
Onun üzərində və idarə etdiyi avtomobildə axtarış aparılan zamanı satış üçün 24 ədəd bükümdə qablaşdırdığı külli miqdarda heroin və metamfetamin aşkar edilib. Məhərrəm Paşayev ifadəsində paytaxt ərazisində narkotik vasitələrin satışı ilə məşğul olduğunu etiraf edib.
Faktla bağlı saxlanılan şəxslərin ətraflarında Səbail Rayon Polis İdarəsində əməliyyat-istintaq tədbirləri davam etdirilir.
Femida.az
Oxunub: 466
Oxşar xəbərlər
- FHN Yeni il bayramında təhlükəsizlik qaydaları ilə bağlı əhaliyə müraciət edib
- Yeni ildən 2 milyondan çox insanın sosial ödənişlərı artacaq
- Monteneqroda Yeni il şənlikləri qadağan olundu
- Yeni ildə neçə gün tətil olacaq?
- AzVision: Yeni ildə bizi nələr gözləyir - VİDEO
- Yeni ilin ilk günü küçələrdə 9 koronavirus xəstəsi tapıldı
- Azərbaycanda yeni ilin ilk körpəsi qızdır
- Dövlət Turizm Agentliyindən Yeni il xəbərdarlığı
- DİN-dən Yeni il bayramı ilə bağlı XƏBƏRDARLIQ
- ÜST-dən COVID-19-la bağlı XƏBƏRDARLIQ - Yeni ildən sonra...