Göygöldə qonşusuna armatur parçası ilə xəsarət yetirən şəxsə hökm oxunub
16:30 08 Yanvar 2022
Göygöl rayonunda qonşusuna armatur parçası ilə xəsarət yetirməkdə təqsirləndirilən Nazim Abbaslıya hökm oxunub və o, 4 il müddətinə azadlıqdan məhrum edilib.
Bu barədə hökm Gəncə Ağır Cinayətlər Məhkəməsinin hakimi Natiq Əliyevin sədrliyi ilə keçirilən prosesdə elan edilib.
Qeyd edək ki, hadisə 2020-ci il avqustun 23-də Göygöl şəhəri, H.Əliyev prospektində qeydə alınıb.
Belə ki, rayon sakini, 2000-ci il təvəllüdlü N.Abbaslı ilə həmyerlisi və qonşusu, 1980-ci il təvəllüdlü Natiq Niftəliyev arasında mübahisə yaranıb. Bu zaman N.Abbaslı armatur parçası ilə N.Niftəliyevin qarın nahiyəsinə xəsarət yetirib.
Yaralı öncə Göygöl rayon Mərkəzi Xəstəxanasına aparılıb. Daha sonra Gəncə şəhərində yerləşən xəstəxanaların birinə göndərilib. Onun həyatını xilas etmək mümkün olub.
Hadisəni törətməkdə şübhəli bilinən N.Abbaslı özü polis şöbəsinə gedərək təslim olub və barəsində həbs qətimkan tədbiri seçilib.
İstintaq orqanı tərəfindən onun barəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə ittiham irəli sürülüb.
Oxunub: 498
Oxşar xəbərlər
- Göygöldə itkin düşən məktəbli tapılıb
- Göygöldə yol qəzasında ölənlərin sayı 5-ə çatıb
- Göygöldə avtomobil qəzası olub, ölən var
- Göygöldə və Yevlaxda qətl törətdən müəllimin məhkəməsi başlayır
- Göygöldə iki yük avtomobili toqquşub, Türkiyə vətəndaşı ölüb
- Göygöldə minik maşını aşıb, sərnişin ölüb
- Göygöldə avtomobil piyadanı vuraraq öldürüb
- Göygöldə oğurluq edən şəxslər saxlanılıb
- Göygöldə evdən oğurluq edən keçmiş məhkumlar saxlanılıb
- Göygöldə avtomobillərinə konstruksiya dəyişikliyi edən sürücülər saxlanılıb
