Heydər Əliyev Batumidə yad edilib
15:40 11 May 2017
Batumidə Azərbaycanın Ümummilli lideri Heydər Əliyevin anadan olmasının 94-cü ildönümü ilə əlaqədar bir sıra tədbirlər həyata keçirilib.
Azərbaycanın Batumidəki Baş konsulu Rəşad İsmayılov Şota Rustaveli Batumi Dövlət Universitetində “Heydər Əliyev adına Azərbaycanşünaslıq Mərkəzi” auditoriyasında “Heydər Əliyev və Gürcüstan -Azərbaycan münasibətləri” mövzusunda beynəlxalq hüquq ixtisası üzrə təhsil alan tələbələri qarşısında açıq mühazirə ilə çıxış edib.
Baş konsulluqdan verilən məlumata görə, mühazirədə universitetin müəllim və proffesorları da iştirak ediblər.
Baş konsul iştirakcılara Ümummilli lider Heydər Əliyev haqda geniş məlumat verib, Gürcüstan-Azərbaycan əlaqələrinin strateji tərəfdaşlıq səviyyəsinə yüksəldilməsində, bölgədə təhlükəsizliyin bərpa olunmasında, qlobal layihələrin reallaşmasında xüsusi xidmətləri olan şəxsiyyət kimi səciyyələndirib, onun təhsilə, gəncliyə qayğısı sahəsindəki xidmətindən danışıb.
Sonda Baş konsul R.İsmayılov iştirakçıların Heydər Əliyev və Azərbaycanla bağlı çoxsaylı suallarını cavablandırıb.
Həmin gün, Acaristanın nüfuzlu “Ajara PS” qəzetində “Heydər Əliyev Azərbaycanın müstəqil xarici siyasətinin memarıdır” adlı məqalə dərc edilib.
Məqalədə Azərbaycanın ümummilli liderinin həyatı, siyasi karyerası haqqında ətraflı məlumatlar verilib. Bildirilib ki, xalqın israrlı tələbi ilə 15 iyun 1993-cü il tarixində Bakıya gələn Heydər Əliyev vətəndaş müharibəsi xofu ilə yaşayan, iqtisadiyyatı dağılmış vəziyyətdə olan, ərazisinin böyük bir hissəsinin işğal altında olan Azərbaycana rəhbərlik edib. Yazıda Heydər Əliyevin ən böyük nailiyyətlərdən birinin onun neft strategiyası olduğu, bu siyasətin Azərbaycanın təkcə iqtisadi tərəqqisi deyil, eyni zamanda dövlət müstəqilliyinin güclənməsində böyük rol oynadığı vurğulanıb.
Femida.az
Oxunub: 1087
Oxşar xəbərlər
- Heydər Əliyev İsveçrədə anılıb
- Heydər Əliyevin həyata keçməyən arzusu – Deputat danışır
- Heydər Əliyev Xamneyini belə mat vəziyyətə saldı
- Heydər Əliyev Koreyada anılıb
- Heydər Əsədov həmsədr təyin olunub
- Heydər Əliyev Fondu aztəminatlı ailələri sevindirdi
- Heydər Əliyev 48: Silsilə tədbirlər keçirilir
- Heydər Əliyev Mərkəzinin parkında taekvondo dərsi olub
- Heydər Əliyev Mərkəzinin parkında konsert olub
- Heydər Əliyev Mərkəzinin parkında rəsm dərsi