WhatsApp-da virus yayılır - DİQQƏTLİ OLUN!


14:04     10 May 2018 18_05_10_1525932386.jpg

"WhatsApp" messencerinin istifadəçiləri smartfonun işində nasazlıq yaradan zərərli mesajdan şikayət ediblər. Bu haqda "MensXP" nəşri yazıb.



Femida.az ICTnews-a istinadən bildirir ki, mesajın müəllifləri istifadəçilərə öncədən "tələ" haqda xəbərdarlıq ediblər. Bununla belə bu tələyə düşənlər tapılıb.

"Aşağıdakı mesajın üzərinə sıxsan, WhatsApp bir müddətə donacaq" - zərərli mesajın mətnində deyilir. Bundan sonra bir neçə boşluq və "bura sıxma" yazısı gəlir.

Portalın məlumatına görə, boşluqların yerində gizlədilmiş simvolların üzərinə sıxdıqda cihazın işində nasazlıq yaranır. Bu halda istifadəçilər bildiriblər ki, problemi aradan qaldırmaq üçün sadəcə smartfonu yenidən yükləmək lazımdır.

Açar sözlər: #WhatsApp   #Maraqlı  

Oxunub: 1387